Жәларык ргәыхәтәы: Аԥсны ахьыԥшымра азхаҵара аиуижьҭеи 12 шықәса ҵуеит

© Sputnik / Владимир Попов / Амедиаҵәахырҭахь аиасраСход абхазского народа в Сухуми
Сход абхазского народа в Сухуми - Sputnik Аҧсны
Анапаҵаҩра
Нанҳәа 26, 2008 шықәсазы Урыстәыла ахада Дмитри Медведев, аԥсуеи ауаԥси жәларқәа рхы иақәиҭны иаадырԥшыз ргәаҳәара дазыразны инапы аҵаиҩит Аахыҵ Уаԥстәылеи Аԥсни рхьыԥшымра азхаҵаразы ақәҵарақәа.

АҞӘА, нанҳәа 26 – Sputnik. Аԥсны аҳәынҭқарратә хьыԥшымра азхаҵара амш азгәарҭоит атәылаҿы нанҳәа 26 рзы.

Нанҳәа 26, 2008 шықәсазы Урыстәыла ахада Дмитри Медведев, аԥсуеи ауаԥси жәларқәа рхы иақәиҭны иаадырԥшыз ргәаҳәара дазхьаԥшны, ООН Аԥҟаԥҵәеи, жәларбжьаратәи азин апринципқәа рзы 1970 шықәсазтәи адекларациеи, 1975 шықәсазтәи Хельсинкитәи ахыркәшаратә акти егьырҭ ишьаҭанкылатәу жәларбжьаратәи ашәҟәқәеи шьаҭас иҟаҵаны инапы аҵаиҩит Урыстәылатәи Афедерациа Аахыҵ Уаԥстәылеи Аԥсни рхьыԥшымра шазханаҵо азы ақәҵарақәа.

Аԥсни Урыстәылеи Аиҩызареи аусеицуреи рзы аиқәшаҳаҭра рыдыркылеит, Аԥсны аҵакырадгьыл аҿы урыстәылатәи арратә база артәаразы аиқәшаҳаҭра, Аԥсны аҳәынҭқарратә ҳәаа ахьчаразы аицхырааразы аиқәшаҳаҭра уҳәа убас иҵегь аҳәынҭқаррабжьаратәи аусбарҭабжьаратәи аиқәшаҳаҭрақәа.

Нанҳәа 26, Аԥсны ахьыԥшымра азхаҵара амш азы атәыла ахьынӡанаӡааӡо аныҳәатә усмҩаԥгатәқәа мҩаԥысуеит. Аԥсны ари амш ныҳәатә ԥсшьарамшны иԥхьаӡоуп.

Абри аҽны Аҟәа имҩаԥысуа аусмҩаԥгатәқәа рсиа абас иҟоуп:

  • Асааҭ 10:00 рзы Ахьӡ-Аԥша абаҳчаҿы ашәҭшьыҵәрақәа шьҭарҵеит.
  • Асааҭ 11:00 рзы Ешыра, Аԥсны раԥхьатәи ахада Владислав Арӡынба имемориал аҟны ашәҭқәа шьҭарҵеит.
  • Асааҭ 13:00 рзы Џьгьарда Аԥсны аҩбатәи ахада Сергеи Багаԥшь иҳаҭгәын аҟны ашәҭшьыҵәрақәа шьҭарҵоит.
  • Асааҭ 17:00 рзы Урыстәыла жәлар рартист, апрофессор Лев Конторович напхгара ззиуа академиатә Хор Ду "Ахортә шәаҳәара азҟазацәа" аконцерт Р. Гәымба ихьӡ зху Аԥсуа филармониаҿы
  • Асааҭ 19:00 рзы Амҳаџьырцәа рыԥшаҳәаҿы имҩаԥысуеит аныҳәатә концерт, уи иалахәуп аԥсуа естрадатә шәаҳәаҩцәеи урыстәылтәи ашәаҳәаҩцәа Иулиа Чичеринеи Александра Морозовеи.

Урыстәыла аамышьҭахь Аԥсны ахьыԥшымра азхарҵеит Венесуела, Никарагуа, Шьамтәыла, Науру, Вануату, Тувалу.

 

Ажәабжьқәа зегьы
0