Краснодартәи атәылаҿацә аҿы 98 коронавирус хҭыс азгәаҭоуп

© Sputnik / Vitaly Timkiv / Амедиаҵәахырҭахь аиасраГраффити "Спасибо врачам" в Краснодаре
Граффити Спасибо врачам в Краснодаре  - Sputnik Аҧсны
Анапаҵаҩра
Уахыки-ҽнаки рыла Урыстәыла 83 регион рҿы иазгәаҭоуп COVID-19 ахҭысқәа даҽа 8232 ацлеит. 27,6% авирус аҟазшьақәа рыдбаламызт. Ргәы бзиахеит 6749 пациент, рыԥсҭазаара иалҵит 160-ҩык.

АҞӘА, цәыббра 29 – Sputnik. Ҟәыбан иаҳхысыз уахыки-ҽнаки рыла COVID-19 ахҭыс ҿыцқәа 98 шьақәыргылоуп ҳәа аанацҳауеит атәылаҿацә ахадара апресс-маҵзура.

"Краснодар 45-ҩык чмазаҩуп. Урҭ рҟынтәи жәаҩык хәыҷқәоуп. Тҟәаԥс араион аҿы - 7, Выселковск - 6, Славианск - 5, Северски Лабински амуниципалитетқәа рҿы – ԥшьҩык-ԥшьҩык, Шәача, Новороссииск, Темриук, Тихорецк – хҩык-хҩык, Анапа, Гориачи Клиуч, Курганинск, Апшеронск араионқәа рҿы – ҩыџьа-ҩыџьа, Абинск, Белореченск, Староминск, Усть-Лабинск, Крымск, Кавказск, Красноармеиск араионқәа рҿы – аӡәаӡәа", - ҳәа аҳәоит адырраҭараҿы.

Апандемиа ҟалеижьҭеи атәылаҿацә аҿы зынӡа иаарԥшуп 13888 коронавирустә хҭысқәа, урҭ рахьтә 1056 – ахәыҷқәа рҟны. 10477-ҩык апациентцәа ргәы бзиахахьеит, аҵыхәтәантәи уахыки-ҽнаки рыла 34-ҩык рыҩныҟақәа иоурышьҭит. Рыԥсҭазаара иалҵит 277-ҩык.

Арегион амедицинатә усҳәарҭақәа рахь акоронавирус ҳамазар алшоит ҳәа идҵаалахьеит 48547-ҩык, урҭ рҟынтәи 5173-ҩык хәыҷқәоуп.

Акоронавирус иазку ажәабжьқәа шәрыԥхьар ҟалоит абра>>

Ажәабжьқәа зегьы
0