11:10 03 Ԥхынҷкәын 2020
Ишиашоу ицо аефир
  • USD75.62
  • EUR91.31
Аԥсны
Икьаҿу ахьарԥш аиура
16 0 0

2020 шықәсазы Гәдоуҭа араион аҿы еизган 800 тонна акырпыжәи ашьынкеи. Уи 200 тонна рыла еиҵоуп 2019 шықәсазы аасҭа.

АҞӘА, абҵара 2 – Sputnik, Бадри Есиава. Апандемиа иахҟьаны аимпорт аиҵахара Гәдоуҭа араион аҿы ауҭраҭых аҭира еиҳанатәит, абри атәы иҳәеит Гәдоуҭа араион ақыҭанхамҩа аусбарҭа аиҳабы Иури Кәарцхьиа.

Сынтәа еиҳа маҷк еиҵаны илаҵан акырпыжәи ашьынкеи - 17 гектар роуп, еизгахеит 800 тонна.

"Аиҿырԥшразы, ҵыԥх зықь тонна рҟынӡа аҽаҩра ҭагалан, аха аалыҵ зегьы зыҭимхеит, аимпорт рацәан азы. Сынтәатәи аҽаҩра зегьы рҭиит, апандемиа аамҭазы аимпорт ахькаҳаз азы", - иҳәеит иара.

Кәарцхьиа игәаанагарала ҽааны анхацәа еиҳагьы еиҳаны иларҵоит, 2020 шықәса иаҿырԥшны ҩынтә-хынтә аҽаҩра еиҳахартә аиԥш.

Уаанӡа Аҳәынҭқарратә ҳазалхратә еилакы ахантәаҩы Гурам Инаԥшьба иҳәахьан 2020 шықәса нанҳәа 1 азтәи арбагақәа рыла атауареикәыршара 13 миллиарди 823 миллион мааҭ ыҟоуп, планла – 15 миллиарди 897 миллион мааҭ рцынхәрас ҳәа.

Иара убас шәаԥхьар ҟалоит:

Ихадоу атемақәа