12:47 26 Ажьырныҳәа 2021
Ишиашоу ицо аефир
  • USD74.86
  • EUR91.15
Аԥсны
Икьаҿу ахьарԥш аиура
610

Урыстәылатәи акинорежиссиор, атеатртә премиа "Ахьтәы сабрада" занашьоу Артиом Устинов иқәыргыламҭа аспектакль "Электра" ддырбараны иҟан Санкт-Петербург, Брианцев ихьӡ зху ақәыԥшцәа ртеатр асценаҿы ԥхынҷкәын 5 асааҭ 19:00 рзы.

АҞӘА, абҵара 28 – Sputnik. Искандер ихьӡ зху аурыс драматә театр алахәхаӡом Санкт-Петербург имҩаԥысуа жәларбжьаратәи атеатртә фестиваль "Радуга" ҳәа Facebook аҿтәи идаҟьаҿы иҩуеит атеатр адиректор хада Иракли Хынҭәба.

"Иахьа, сара аӡбамҭа сыдыскылеит ааԥхьара ахьҳамаз Санкт-Петербург имҩаԥысуа жәларбжьаратәи атеатртә фестиваль "Радуга" ахь ҳцаӡом ҳәа, уахь иаҳгараны ҳаҟан аспектакль "Электра". Ихымԥадатәиу ӡбамҭоуп ари", - иҩуеит Хынҭәба.

Атеатр аусзуҩцәа ҩыџьа COVID-19 ахьрыдбалоу иахҟьеит ас еиԥш аӡбамҭа адкылара. Акоронавирус ззышьақәырӷәӷәоуи аспектакль алахәылацәеи еигәныҩуан, иара убас аспектакль иалахәуп аҿкычымазаразы зықәра шәарҭоу артистцәа, иҳәеит Хынҭәба.

РУСДРАМ аиҳабы иажәақәа рыла, аҿкычымазара зыдбалоуи, дара ирымадази аҽыԥхьакырҭахь ишьҭуп.

Афестиваль аиҿкааҩцәа ишырҳәаз ала, аспектакль "Электра" Санкт- Петербургтәи ахәаԥшцәа идырбахоит лаҵарамза, 2021 шықәсазы.

Аспектакль "Электра" аԥхьарбара мҩаԥысит РУСДРАМ аҿы жьҭаара 30 2019 шықәса рзы. Иара ықәиргылеит арежиссиор қәыԥш Артиом Устинов.

Ихадоу атемақәа