08:44 20 Ажьырныҳәа 2021
Ишиашоу ицо аефир
  • USD73.72
  • EUR89.21
Аԥсны
Икьаҿу ахьарԥш аиура
22 0 0

Аԥсны атуризм азы аминистрра ареспублика атуристтә бренд алоготип азы амакетқәа ралхразы ирыланаҳәаз аицлабра мҩаԥысуеит абҵара 15 раахыс.

АҞӘА, ԥхынҷкәын 28 – Sputnik, Асмаҭ Ҵәыџьԥҳа. Атуризм аминистрра иалнахит алоготип азы амакетқәа жәаба.

Аԥсны атуризм азы аминистрра ареспублика атуристтә бренд алоготип азы амакетқәа алхраз аицлабра мҩаԥысуеит абҵара 15 раахыс. Абри аамҭа иалагӡаны арахь иаашьҭын 54 макет ԥхьаҟатәи атуристтә бренд алоготип азы.

Аицлабра аексперттә хеилак иалахәын: Аԥсны Ахәаахәҭра-ааглыхратә палата (ААП) ахада Ҭамила Мерцхәылааԥҳа, асахьаҭыхыҩ Нугзар Логәуа, Аԥсны Асахьаҭыхыҩцәа реидгыла ахантәаҩы Витали Џьениа, аҭоурыхдырыҩ Баҭал Кобахьиа, Ацәыргақәҵатә зал хада аиҳабы Ельвира Арсалиаԥҳа.

Атуризм аминистрра 54 рҟынтәи иалнахит алоготип азы амакетқәа жәаба.

  • Аԥсны атуризм аминистрра ҳтәыла атуристтә бренд алоготип азы амакетқәа алнахит
    © Sputnik / Асмат Цвижба
  • Анаҩстәи аетап ахь инеит алоготипқәа 10.
    © Sputnik / Асмат Цвижба
  • Аицлабра аексперттә хеилак иалахәын: Аԥсны Ахәаахәҭра-ааглыхратә палата (ААП) ахада Ҭамила Мерцхәылааԥҳа, асахьаҭыхыҩ Нугзар Логәуа, Аԥсны Асахьаҭыхыҩцәа реидгыла ахантәаҩы Витали Џьениа, аҭоурыхдырыҩ Баҭал Кобахьиа, Ацәыргақәҵатә зал хада аиҳабы Ельвира Арсалиаԥҳа.
    © Sputnik / Асмат Цвижба
  • Афинал аҿы иалырхуа алоготип аофициалтә саит аҿы адагьы асувениртәи акьыԥхьтәи аалыҵ аҿы ахархәара аиуеит
    © Sputnik / Асмат Цвижба
  • Аицлабра иалахәхеит апрофессионалцәа реиԥш абзиабаҩцәагьы, Аԥсны адагьы Урыстәыла, Башкортостан, Татарстан рҟынтәгьы.
    © Sputnik / Асмат Цвижба
1 / 5
© Sputnik / Асмат Цвижба
Аԥсны атуризм аминистрра ҳтәыла атуристтә бренд алоготип азы амакетқәа алнахит

"Уаҵәы инаркны аусумҭақәа жәаба аминистрра асаит аҿы иӡыргахоит. Ауаа ирылшоит абжьыҭара", - ҳәа иҳәеит аминистрра аинформациатә мҩаԥгареи ахыԥшатә политикеи рыҟәша аиҳабы Саид Аршба.

Аршба иҳәеит афинал аҿы иалырхуа алоготип аофициалтә саит аҿы адагьы асувениртәи акьыԥхьтәи аалыҵ аҿы ахархәара аиуеит ҳәа.

"Ауаа апроцесс ҟазарыла иазнеит. Ареспублика ассоциациа аазырԥшыша асахьақәа аԥырҵеит. Аицлабра иалахәхеит апрофессионалцәа реиԥш абзиабаҩцәагьы. Аицлабра иалахәын Урыстәыла, Башкортостан, Татарстан рҟынтәгьы", - иҳәеит иара.

Афинал мҩаԥгахоит ажьырныҳәа 22 рзы. Аиааира игоит абжьеиҳа зауз автор, иагьианашьахоит 50 000 мааҭ.

Иара убас шәаԥхьар ҟалоит:

Ихадоу атемақәа