18:39 24 Ажьырныҳәа 2021
Ишиашоу ицо аефир
  • USD74.36
  • EUR90.41
Аԥсны
Икьаҿу ахьарԥш аиура
28 0 0

Гагра 16 шықәса зхыҵуа аҷкәын зыргылара хыркәшам аҩнаҿы алифт ашахта дҭаҳаит ахәаша, ажьырныҳәа 1 азы. Убри аҽны иара Аҟәа, Ареспубликатә хәышәтәырҭахь днаган.

АҞӘА, ажьырныҳәа 2 – Sputnik. Гагра алифт ашахта иҭаҳаз арԥыс иҭагылазаашьа даара ибааԥсуп ҳәа Sputnik иазеиҭалҳәеит аҷкәын иан Елена Лысак.

"Иҭагылазаашьа даара ибааԥсуп, аҳақьымцәа ԥшуп, ишьақәыӷәӷәара ҭышәындыртәалоит, ирылшо ҟарҵоит. Амедиаҳәшьцәа, ареаниматолог, анеирохирург - зегьы ҳацхраауеит. Гагрантәи ҳанааз иара ихдырраҿы дыҟамызт, нас амедикаментозтә комахь диаргеит", - лҳәеит Елена.

Аҷкәын дызхәышәтәуа аҳақьым Олег Оҭырба иажәақәа рыла, ихәдаџьали агәышԥы иахьаҵанакуа ибӷашшареи ԥҵәоуп, ахшыбаҩ ааха амоуп.

"Ихшыбаҩ адиффузтә аксоналтә ааха амоуп, ари даара иуадаҩу ҭагылазаашьоуп. Ҳара ҳцентр аҿы анеирохирургиатә ааха иаҵанакуа ацхыраара зегь иоуеит, иҳалшо ҟаҳҵоит", - иҳәеит Оҭырба.

Амашәыр иақәшәаз аҷкәын иан Краснодарҟа дылгарц лгәы иҭоуп иҭагылазаашьа маҷк еиӷьхар, амҩа дықәугалар алшо ианыҟалалак. Иара убас лара илҳәеит ирыхьыз арыцҳара згәы иалсыз ауаа рҭаацәа ирыцхрааразы, аҷкәын ихәышәтәразы асоциалтә ҳақәа рҿы аԥареизгара ишалагаз.

"Аӡәырҩы аҭел иасуеит, иаҳзырыҩуеит, иааиуеит. Афонд "Софиа" абзоурала имаҷымкәа аԥара еизганы иаҳзааргахьеит, аус ахьызуа ашкол аҿгьы аԥара ҳзеизыргеит, зегьы ҳрыцҳара иақәҿырҭит. Иҭабуп ҳәа расҳәар сҭахуп ҳзықәшәаз амашәыр згәаҿы инаганы, хьаас ҳҟазҵаз, ацхыраара ҳазҭаз зегьы", - лҳәеит аҷкәын иан Елена Лысак.

Гагра 16 шықәса зхыҵуа аҷкәын зыргылара хыркәшам аҩнаҿы алифт ашахта дҭаҳаит ҳәа АҶА аҷаԥшьаратә хәҭахьы адырра ҟалеит ахәаша, ажьырныҳәа 1 азы.

Ихадоу атемақәа