08:00 25 Жәабран 2021
Ишиашоу ицо аефир
  • USD73.75
  • EUR89.67
Аԥсны
Икьаҿу ахьарԥш аиура
Аԥсны аенергетика апроблемақәа (227)
18 0 0

АУН "Амшынеиқәафымцамч" аилазаара аԥсахразы азҵаара Аԥсны аекономика аминистрраҿы иахәаԥшраны иҟоуп.

АҞӘА, ажьырныҳәа 20 – Sputnik. АУН "Амшынеиқәафымцамч" "Афымцаҭира" аԥнахуеит, иара анапынҵақәа нарыгӡалоит араионтә филиалқәа ҳәа Sputnik иазеиҭеиҳәеит анаплакы адиректор хада Михаил Логәуа.

"Афилиал иурист хаҿык аҳасаб ала "Амшынеиқәафымцамч" иаԥнаҵеит, аҭыԥқәа рҿы аҟәшақәа аманы. Убри аамҭала аус руан АУН "Амшынеиқәафымцамч" афилиалқәагьы (араионтәқәа). Апрактикаҿы иубартә иҟалеит иарбанызаалак еиныррак, еимадарак шрымамыз, еиҳа знапынҵақәа ҳараку ҳәа аимак-аиҿак ада", - иҳәеит Логәуа.

Аилазаара аԥсахра мҩаԥганы, аҭыԥқәа рҿы афилиали иара аҟәшақәеи аԥыхзарц ӡбоуп. Логәуа иажәақәа рыла, аструктура ԥсахтәуп, аҭыԥқәа рҿы аҟәшақәа иаку шьақәгылакны, напхгаҩык дрыманы аҟаҵаразы, анапынҵақәа еихшазарц.

"Иаԥҵахоит иаку аиҿкаара. Уи аппарат хада анапаҵаҟа иҟалоит. Иҟоу зегьы азы аҭакԥхықәра здыло напхгаҩык иоуп",- иҳәеит иара.

АУН "Амшынеиқәафымцамч" адиректор хада иазгәеиҭеит азҵаара Аԥсны аекономика аминистрраҿы иахәаԥшраны иҟоуп, уа ишрыдыркылалак аԥсахрақәа ирылагоит ҳәа.

АУН "Амшынеиқәафымцамч" афилиал "Афымцаҭира" ахархәаҩцәа афымцамч рыҭара мҩаԥнагон, иара убасгьы еиҿнакаауан ахылаԥшратә система.

Иара убас шәаԥхьар ҟалоит:

Атемақәа:
Аԥсны аенергетика апроблемақәа (227)

Ихадоу атемақәа