АҞӘА, жәабран 10 - Sputnik. Аԥсны ахада идҵа инақәыршәаны Станислав Амҷба Очамчыра араион ахада инапынҵақәа рҟынтәи ихы дақәиҭтәуп. Абри атәы аҳәоит ахада ипресс-маҵзура.
Станислав Амҷба ицымхәрас Очамчыра араион ахада инапынҵақәа наигӡалоит актәи ихаҭыԥуаҩ Артимон Габелаиа.
Станислав Амҷба Очамчыра араион ахада инапынҵақәа рынагӡара далагеит 2020 шықәса лаҵара 29 рзы.
2004-2009 шықәсқәа рзы Амҷба Очамчыра араион Аизара адепутатс далхын. 2007-2015 шықәсқәа рзы Гәылрыԥшь араион Дранда ақыҭа ахадас дыҟан.
