Ашәахтәқәеи аизгақәеи уаанӡатәи рминистр Кәырмазиа иқыҭауаа Бжьаниа иахь инеит

© Sputnik / Томас ТхайцукАдминистрация президента
Администрация президента  - Sputnik Аҧсны, 1920, 15.02.2021
Анапаҵаҩра
Гәдоуҭа араион, Лыхны ақыҭан жәабран 15 рзы имҩаԥысит Ашәахтәқәеи аизгақәеи уаанӡатәи рминистр Даур Кәырмазиа иқыҭауаа реизара, иара иганахьала аусҭҵаара хацыркхоит ҳәа иҟоу ацәажәарақәа рзы.

АҞӘА, жәабран 15 – Sputnik, Бадри Есиава. Ашәахтәқәеи аизгақәеи уаанӡатәи рминистр Даур Кәырмазиа иқыҭауаа гәыԥҩык атәыла ахада Аслан Бжьаниа иԥылараз инеит ҳәа Sputnik иазеиҭеиҳәеит Лыхны ақыҭа Абыргцәа рхеилак алахәыла Шьурбеи Аџьба.

"Иахьа ақыҭа аизара ҳаман. Ауаа еизеит Даур Кәырмазиа адгылара ирҭарцы. Ҳара агәра аагоит хара шимам азы. Уажәы ахада Иусбарҭаҿы ҳааит ҳиҿцәажәарц азы", - ҳәа иҳәеит Аџьба.

Иара иҳәеит арахь иара убас ишааиз ақыҭа Абыргцәа рхеилак ахантәаҩы, Лыхныха аныхаԥааҩ, ауаажәларратә усзуҩ, иара убасгьы ахада иахь анеира ргәы ишҭоу адепутатцәа Михаил Сангәлиеи Леонид Чамагәуеи.

Ашәахтәқәеи аизгақәеи рминистр Даур Кәырмазиа арзаҳал иҩит инапынҵақәа шаанижьуа азы. Аԥсны ахада Аслан Бжьаниа уи арзаҳал инапы аҵаиҩит.

Ахада иусԥҟала аамҭала аминистр инапынҵақәа наигӡалоит Мераб Логәуа.

Ажәабжьқәа зегьы
0