07:12 14 Мшаԥы 2021
Ишиашоу ицо аефир
  • USD77.25
  • EUR91.92
Аԥсны
Икьаҿу ахьарԥш аиура
10 0 0

Аиԥылараан Бжьаниеи Егзакьи иалацәажәеит Адунеизегьтәи аԥсуа-абаза конгресс Аԥсны инанагӡо апроектқәеи ԥхьаҟатәи апланқәеи рҟны.

АҞӘА, хәажәкыра 24 – Sputnik, Бадраҟ Аҩӡба. Аԥсны ахада Аслан Бжьаниа диԥылеит Адунеизегьтәи аԥсуа-абаза конгресс ахантәаҩы Мусса Егзакь ахаша хәажәкыра 24 рзы.

"Бзиала шәаабеит, Мусса Ҳабал-иԥа, ҳаихьеиқәшәаз сгәы иахәеит, шәара Аԥсны шәџьабаа рацәаны иадуп, уи ҳара ахә ҳаракны иаҳшьоит", - иҳәеит ахада, Егзакь аԥсшәа иаҳәо.

Аиԥылара ашьҭах Адунеизегьтәи аԥсуа-абаза конгресс ахантәаҩы еиҭеиҳәеит ахадеи иареи реиԥылараҟны излацәажәоз атәы.

  • Бжьаниа Адунеизегьтәи аԥсуа-абаза конгресс ахантәаҩы диԥылеит
    © Sputnik / Томас Тхайцук
  • Мусса Егзакь
    © Sputnik / Томас Тхайцук
1 / 2
© Sputnik / Томас Тхайцук
Бжьаниа Адунеизегьтәи аԥсуа-абаза конгресс ахантәаҩы диԥылеит

"Ҳара ҳалацәажәон Адунеизегьтәи аԥсуа-абаза конгресс лшарақәас иамоу, иахьатәи аамҭазы проектқәас инанагӡо, ҳамчқәа еилаҵаны урҭ рымҩхак еиҳагьы ирҭбааны рымҩаԥгара ахьынӡаҳалшо. Арҭ азҵаарақәа рҟны аилибакаара ҳамоуп", - ҳәа азгәеиҭеит иара.

Иара убас Егзакь иҳәеит атәыла ахадеи иареи Адунеизегьтәи аԥсуа-абаза конгресс акомандеи иареи реиԥылара амҩаԥгаразы ишеицәажәаз хәажәкыра 24.

"Ҳконгресс ахырхарҭақәа зегьы рхантәаҩцәа уи аиԥылараҟны русуреи рпланқәеи ртәы изеиҭеиҳәарц еиабҳҳәеит", - иҳәеит иара.

Мусса Егзакь Адунеизегьтәи аԥсуа-абаза конгресси атәыла ахадареи Аԥсны иқәынхо ауааԥсыра рыԥсҭазаара аиӷьтәразы русеицура ишацырҵо.

Ихадоу атемақәа