Урыстәылеи Аԥсни 2021 шықәсазтәи акультура аусхк аҟны аусеицураз аплан рнапы аҵарҩит

© Foto / Министерство Культуры РАПодписан План сотрудничества между Россией и Абхазией в области культуры на 2021 год
Подписан  План сотрудничества между Россией и Абхазией в области культуры на 2021 год  - Sputnik Аҧсны, 1920, 25.03.2021
Анапаҵаҩра
Аԥсны акультура аминистр Гудиса Агрба усутә визитла Москва дыҟоуп. Иахьа урыстәылатәи иколлега Ольга Лиубимовеи иареи еиԥылеит.

АҞӘА, хәажәкыра 25 - Sputnik. Урыстәылеи Аԥсни 2021 шықәсазтәи акультура аусхк аҟны аусеицураз аплан рнапы аҵарҩит ҳәа аанацҳауеит Аԥсны акультура аминистрра асаит.

Адокумент рнапы аҵарҩит Аԥсни Урыстәылеи рминистрцәа Гудиса Агрбеи Ольга Лиубимовои.

2021 шықәсазтәи акультура аусхк аҟны аусеицураз аплан аҳәаақәа ирҭагӡаны иазыԥхьагәаҭоуп Игор Моисеев ихьӡ зху жәлар рыкәашара академиатә ансамбль аконцертқәа Аԥсны рымҩаԥгара, Ф. А. Искандер ихьӡ зху аурыс драматә театр аспектакль "Ишьаарҵәыроу ачара" Санкт-Петербург имҩаԥысраны иҟоу ИАРи Балтиеи атәылақәа ХХIII Жәларбжьаратәи ртеатртә фестиваль аартраан ақәыргылара.

© Foto / Министерство Культуры РАУрыстәылеи Аԥсни 2021 шықәсазтәи акультура аусхк аҟны аусеицураз аплан рнапы аҵарҩит
Урыстәылеи Аԥсни 2021 шықәсазтәи акультура аусхк аҟны аусеицураз аплан рнапы аҵарҩит - Sputnik Аҧсны, 1920, 25.03.2021
Урыстәылеи Аԥсни 2021 шықәсазтәи акультура аусхк аҟны аусеицураз аплан рнапы аҵарҩит

Аԥсны ахьыԥшымра Амш, нанҳәа 26 азы Аҟәа имҩаԥгахоит аконцерттә программа, уи иалахәхоит П. И. Чаиковски ихьӡ зху Жәларбжьаратәи аицлабра алауреатцәеи, Адыгеиатәи Ареспублика афилармониа асимфониатә оркестри, Аԥсны Аҳәынҭқарра акамертә оркестри.

Урыстәыла акультура аминистр Ольга Лиубимова иазгәалҭеит аепидемиологиатә ҭагылазаашьа иахьмырԥшыкәа ииасыз ашықәс азы апроектқәа жәпакы шеицымҩаԥгаз.

Люди за работой - Sputnik Аҧсны, 1920, 13.03.2021
Аԥснытәи абитуриентцәа азанааҭ ҿыцқәа алырхыр рылшоит Урыстәылатәи аҵараиурҭақәа рҟны

"Урыстәыла жәлар рартист, апрофессор Лев Конторович напхгара ззиуа академиатә Хор Ду "Ахортә шәаҳәара азҟазацәа" аконцерт Р. Гәымба ихьӡ зху Аԥсуа филармониаҿы амҩаԥысра, Фазиль Искандер ихьӡ зху аурыс драматә театр аспектакль "Ҳаџьы-Мураҭ" онлаин-рбара аинтерес ду цәырызгаз проектқәан", - лҳәеит Лиубимова.

Аиԥылара аҳәаақәа ирҭагӡаны иазгәаҭан урыстәылатәи аган ацхыраара шыҟанаҵо акультураҵаратә усбарҭақәа рзы онлаин-уснагӡатәқәа рымҩаԥгараҿы. Лиубимова дазааҭгылеит Аԥсни Урыстәылеи рбиблиотекақәа рыбжьара аусеицура ҩаӡара ҳаракыла ишымҩаԥысуа.

Уаанӡатәи адыррала хәажәкыра 24 рзы Гудиса Агрбеи Москва ақалақь акультуратә ҭынха Адепартамент анапхгаҩы актәи ихаҭыԥуаҩ Сергеи Мирзоиани еиԥылеит. Аганқәа рылацәажәеит акультуратә ҭынха аобиектқәа ашәҟәы рҭагалареи рреставрациеи рызҵаарақәа, урҭ аобиектқәа реиқәырхареи рхархәареи рзинтә ҭышәныртәалара азҵаарақәа.

Ажәабжьқәа зегьы
0