00:32 18 Мшаԥы 2021
Ишиашоу ицо аефир
  • USD75.55
  • EUR90.46
Аԥсны
Икьаҿу ахьарԥш аиура
10 0 0

Аусҭҵаара адыррақәа рыла, Георги Воуба харас идырҵоит атәым мазара рацәаны иӷьычит, имаҵуратә уалԥшьақәа инархыҳәҳәаны ихы иаирхәеит, аԥхасҭа бааԥс ҟарҵеит.

АҞӘА, мшаԥы 3 - Sputnik. Аҟәатәи ақалақьтә ӡбарҭа Ареспубликатә хәышәтәырҭа аҳақьым хада ихаҭыԥуаҩ Георги Воуба иҩнытә рбаандаҩра аҿҳәара иацнаҵеит лаҵара 9 рҟынӡа ҳәа аанацҳауеит аӡбарҭа асаит.

Аӡбарҭа иара убас Апрокуратура хада ахь ақәҵара аднакылеит уи заанаҵтәи аусҭҵаара аҿҳәара шьақәзыргыло адокумент аиқәыршәараан агха шыҟанаҵаз азы.

Ареспубликатә хәышәтәырҭа аҳақьым хада Апполон Гәыргәлиеи ихаҭыԥуаҩ Георги Воубеи рганахьала аусҭҵаара хацыркын 2021 шықәса жәабран 9 рзы рнапынҵамчрақәа ирхыҳәҳәаны рхы иадырхәеит ҳәа.

Аусҭҵаара адыррақәа рыла, ахәышәтәырҭа аҳақьым хада Апполон Гәыргәлиа имаҵзуратә зинмчра ихы иархәаны 1 522 531 мааҭ ахәышәтәырҭа амазара аӷьычра далахәуп.

Хәажәкыра 17 рзы Георги Воуба аҩнытә баандаҩра иқәҵазарц ҳәа азыӡба аднакылеит Аҟәатәи ақалақьтә ӡбарҭа. Аслан Цкәуа ахара ихарарҵоит, Ареспубликатә хәышәтәырҭа анапхгара рганахьала ашьаусмҩаԥгара аҳәаақәа ирҭагӡаны, змаҵзуратә напынҵақәа зымчра иахызыҳәҳәаз ахаҿқәа дрыцхраауан ҳәа. Мшаԥымза 9 рҟынӡа аҩнытә баандаҩра иқәҵоуп.

Мшаԥы 2 рзы иара убас Аҟәатәи ақалақьтә ӡбарҭа аӡбарала, Апрокуратура хада азыҳәа ала, инапынҵаҟынтәи ихы дақәиҭтәуп Ареспубликатә хәышәтәырҭа аҳақьым хада Апполон Гәыргәлиа.

Зыхьӡ ҳәоу ахаҿқәа ахара рыдым ҳәа иԥхьаӡоуп аусҭҵаара ахара ирыдырҵо шьақәнырӷәӷәаанӡа, аӡбарҭа аӡбамҭа азакәантә мчы аиуаанӡа.

 

Ихадоу атемақәа