01:08 12 Лаҵара 2021
Ишиашоу ицо аефир
  • USD74.16
  • EUR90.00
Аԥсны
Икьаҿу ахьарԥш аиура
11 0 0

Тҟәарчал араион ахадараҿы Урыстәылатәи аҳәаанырцәтә тәылауаҩшәҟәқәа рыԥсахразы ауааԥсыра рыдыркылоит.

АҞӘА, мшаԥы 27 - Sputnik, Асмаҭ Ҵәыџьԥҳа. Тҟәарчал араион ахадараҿы Урыстәыла аҳәаанырцә тәылауаҩшәҟәқәа рыԥсахразы иахәҭоу адокументқәа реиқәыршәаразы ауааԥсыра рыдыркылоит, аконсультациақәа мҩаԥыргоит мышкы ахы аҵыхәала – лаҵара 1 азы ҳәа лҳәеит Урыстәыла аҳәаанырцә тәылауаҩшәҟәқәа рыԥсахреи Урыстәыла атәылауаҩра аиуреи рзы апункт анапхгаҩы Фаина Герман.

"Ари ихароу араионқәа рҟынтәи ҳуааԥсыра рус армариаразы, ауаа ҩынтә-хынтә Аҟәаҟа аара рықәымшәарц азоуп асеиԥш аус зеиҿыркааз. Адокументқәа рыхкьыԥхьаақәа аагоит реиҿкааразы. Нас иарбоу аамҭазы урҭ зтәу хаҭала Ацҳаражәҳәарҭахь инеины адокументқәа арҭоит", - ҳәа лҳәеит лара.

Ауааԥсыра рыдыркылоит Тҟәарчал араион ахадара ахыбраҿы асааҭ 10:00 инаркны.

Убри аан ирымазаароуп:

  • Урыстәыла атәылауаҩ иҳәаанырцәтә тәылауаҩшәҟәы
  • Аҭыӡҭыԥ зну Аԥсны атәылауаҩ итәылауаҩшәҟәы
  • Урыстәыла атәылауаҩраз аҩнуҵҟатә тәылауаҩшәҟәы (ирымазар)
  • Аиразы аршаҳаҭга
  • Аҳәса рзы аҭаацәара ишалоу азы аршаҳаҭга
  • Афотосахьақәа ԥшьба (3,5/4,5).

Фаина Герман иара убасгьы иазгәалҭеит уаанӡагьы арҭ рҩызцәа апунктқәа шаадыртлоз, аха коронавирустә инфекциа аламырҵәаразы акарантин аан аамҭала ишаркыз.

Адокументқәа анаҭахалак ашьҭахь аконсультациатә биуро аусзуҩцәа анкета ҷыда еиқәдыршәоит.

Аҳәаанырцәтә тәылауаҩшәҟәы аиҿкаара аҿҳәара административтә регламент инақәыршәаны хымз рҟынӡа иадхалоит.

Ихадоу атемақәа