АҞӘА, лаҵара 5 - Sputnik. Лаҵара 6 асааҭ 00:00 - 18:00 рзы Араион ҿыц ӡыда иаанхоит ҳәа аанацҳауеит аҳҭнықалақь ахадара.
Аӡы аанкылахоит Гәымсҭатәи амҩаҿ аӡымҩангага аремонт азурази Кьарази Агрбеи амҩақәа рҿы аканализациатә коллектор аремонт азурази.
АУН "Аӡыканал" аҭамзаара шьҭанаҵоит ауадаҩрақәа рзы.
Уаанӡа АУН "Аӡыканал" аҟны Sputnik ишазеиҭарҳәахьаз ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.
