Урыстәыла атәылауаҩ Аԥсны Апрокуратура хадахь дашшит амилициа аусзуҩцәа дрыпҟеит ҳәа

© SputnikГенеральная прокуратура Абхазии
Генеральная прокуратура Абхазии - Sputnik Аҧсны, 1920, 26.05.2021
Анапаҵаҩра
Санкт-Петербургтәи аԥсшьаҩы Артиом Русских 2021 шықәса мшаԥымзазы Гагра амилициа аусзуҩцәа дааныркылеит анаркотикқәа алаирҵәоит ҳәа ироуз агәаанагаразы.

АҞӘА, лаҵара 26– Sputnik, Бадри Есиава. Урыстәыла атәылауаҩ Артиом Русских аелектронтә ԥошьҭала Аԥсны Апрокуратура хадахь арзаҳал ааишьҭит Гагра араион аҩнуҵҟатәи аусқәа русбарҭа аусзуҩцәа  дышдыргәаҟуаз, ихақәиҭра дшалхәыдартәуаз азы. Абри атәы Sputnik иазеиҭарҳәеит Апрокуратура хада апресс-маҵзураҿы лаҵара 25 азы.

Апресс-маҵзураҿы иара убасгьы ирҳәеит Гагра араион апрокуратура аусҭҵааранӡатәи агәаҭарақәа шымҩаԥнаго. Аҟәша аусзуҩцәа ражәақәа рыла, ишьақәырӷәӷәоуп мшаԥы 7 азы, аоператив-ԥшааратә уснагӡатәқәа рымҩаԥгараан Гагра араион аҿы дшаанкылаз Артиом Русских. Иара ихаҭара ашьақәыргыларазы аамҭалатәи аанкыларҭахь днаган. Русских ихаҭара анышьақәдыргыла ашьҭахь ихы дақәиҭтәын.

"Русских А.А. Аԥсны аҵакыраҿ иҟамзаареи иара арахь иаара ахьалымшои азы Русских имобилтә ҭел ахь иасит. Аҭелтә еицәажәараан Русских иҳәеит Санкт-Петербург ақалақь ашьаусҭҵааратә ҟәша ахатә усҭҵаара шымҩаԥнаго Аԥсны азинхьчаратә усбарҭақәа аинформациа рыҭаразы. Русских А.А., Дариа Морозова, Полина Салмина Санкт-Петербург ақалақь УРОМ аҟәша аусзуҩцәа аилыркаара рырҭеит", - азгәарҭеит апресс-маҵзураҿы, иагьазгәарҭеит арҭ ауаа рҿахәҿыхра шзалымшо.

Лаҵара 25 азы Аԥсны аҩнуҵҟатәи аусқәа рминистрраҟны иҿаԥырҽит Урыстәыла атәылауаҩ Артиом Русских Гагра амилициа аусзуҩцәа дрыпҟеит ҳәа игәараҵаз аинформациа.

Патрульные машины МВД Абхазии  - Sputnik Аҧсны, 1920, 25.05.2021
Аԥсны ААР иҿаԥнаҽуеит амилициа аусзуҩцәа атурист ддыргәаҟуан ҳәа игәараҵоу аинформациа

Аусбарҭа апресс-маҵзураҿы ишырҳәо ала, амаҵзуратә гәаҭараан ишьақәыргылан абри аамҭазы Русских Гагра араионтә ААР аҷаԥшьаратә хәҭахьы днаган ихаҭара ашьақәыргыларазы, иара атуристтә ԥсшьарҭақәеи амаршрутқәеи рынҭыҵ иҟазаара иахырҟьаны. Аҷаԥшьаратә хәҭахьы инарго ахьҭарыҩуа ажурнал аҿы иарбан атәылауаҩ Русских А. А. 2021 шықәса мшаԥы 7 асааҭ 18:20 азы аҷаԥшьаратә гәыԥ дышнаргаз, аҭагылазаашьа анеилкааха ашьҭахь, асааҭ 20:40 ихы дшақәиҭтәыз.

Абри аинформациа аҭҵаара анапы алакуп Аԥсны ААР ахатәшәарҭадара аусбарҭа, урыстәылатәи АИХ ахаҭарнак иҟынтәи азыҳәа шьаҭас иҟаҵаны.

Иара Русских ихаҭа иҟынтәи азыҳәа аусбарҭахь инашьҭым ҳәа инаҵшьны иазгәарҭеит Аԥсны ААР апресс-маҵзураҿы..

Лаҵара  24 азы "Медиазона" иакьыԥхьит Санкт-Петербургтәи аԥсшьаҩы Артиом Русских 2021 шықәса мшаԥымзазы Гагра амилициа аусзуҩцәа дааныркылеит анаркотикқәа алаирҵәоит ҳәа иҟаз агәаанагаразы, дыргәаҟны аинформациа имхра аҽазышәра ыҟан ҳәа.

Ажәабжьқәа зегьы
0