04:57 17 Рашәара 2021
Ишиашоу ицо аефир
  • USD72.03
  • EUR87.35
Аԥсны
Икьаҿу ахьарԥш аиура
9 0 0

2021 шықәсазы аконцертқәа мҩаԥгахоит РУСДРАМ асценаҿи Пицундатәи ауахәама ауарӷантә зал аҿи. Аԥсны афестиваль мҩаԥыргоит 2015 шықәса раахыс.

АҞӘА, рашәара 8 – Sputnik, Асмаҭ Ҵәыџьԥҳа. Амузыкатә фестиваль "Grand Opera Gala" мҩаԥгахоит нанҳәа 20 - 21 рзы ҳәа Sputnik иазеиҭеиҳәеит афестиваль асахьаркыратә напхгаҩы Саид Гобечиа.

Амузыкатә фестиваль "Grand Opera Gala" фынтәуп Аԥсны имҩаԥысуеижьҭеи.

Нанҳәа 20 азы РУСДРАМ аҿы идырбахоит аопера "Дон Паскуале". Иара италиатәи ақәыргыламҭақәа иреиӷьу ҳәа иԥхьаӡоу ирыҵанакуеит. Есышықәса адунеи атеатрқәа 150 рҿы иқәдыргылоит.

Гобечиа иажәақәа рыла аопера анагӡаразы иааԥхьоуп Урыстәыла амилаҭтә гвардиа Асимфониатә оркестр, Пермтәи аопереи абалети ракадемиатә театр асолист Тимофеи Павленко, Аԥснытәи аҳәынҭқарратә филармониа асолистка Альдона Цкәуаԥҳа. Ахортә сценақәа нанагӡоит Аԥсны аҳәынҭқарратә капелла.

Нанҳәа 21 азы аконцерт мҩаԥгахоит Пицундатәи ауахәама Ауарӷантә зал аҿы. Иқәгылоит москватәи атеатр "Новая опера" асолистка Зарина Абаева, Аԥснытәи аҳәынҭқарратә филармониа асолистцәа Нана Черқьезиаԥҳа, Елена Анқәабԥҳа, Алхас Ферзба, Аԥсны зҽаԥсазтәыз артист Лука Гаделиа.

"Афестиваль ахықәкы хада аԥсуа артистцәа ҿарацәа реидкылареи егьырҭ атәылақәа рҟынтәи амузыкантцәа рааԥхьареи роуп, ҳаамҭазтәи аԥсуа музыкатә культура аԥеиԥштә лшара аарԥшроуп, атәыла акультуратә ԥсҭазаара арбеиароуп", - иҳәоит Гобечиа.

Аԥсны афестиваль "Grand Opera Gala" мҩаԥыргоит 2015 шықәса раахыс. Афестиваль мҩаԥысуеит Аԥсны аиҳабыра, "Росэнергоатом", Евразиатәи акомпозиторцәеи амузыкантцәеи рхеилак, аилахәыра "А-мобаил" рыдгыларала.

Ихадоу атемақәа