АҞӘА, рашәара 14 – Sputnik. ЕгрыГЕС аҿы авариа ҟалеит – агенераторқәа аангылеит ҳәа аанацҳауеит АУН "Амшынеиқәафымцамч" Facebook аҿынтә.
Аҭыԥ аҿы аус руеит ЕгрыГЕС аҟазауаа.
Фымцалашарада иаанханы иҟоуп Гал араион, Очамчира араион, Гәылрыԥшь араион, Аҟәеи Гагреи араионқәа рыхәҭақәа.
ЕгрыГЕС аремонт азы иаанкылан ажьырныҳәа 20 рзы. Планла аусурақәа хыркәшахар акәын мшаԥы 30 лаҵара 1 руыха, аха аамҭа иаԥыганы аремонттә усурақәа нагӡаны аусура еиҭахацнаркит мшаԥы 26 азы ҳәа уаанӡа Sputnik иазааицҳаит ГЕС анапхгара ахантәаҩы Леван Мебониа.
ЕгрыГЕС заҵәык Ауп Аԥсны аҵакыра зегьы фымцалашарала еиқәзыршәо. Иара ахархәарахь ирыҭан 1978 шықәса рзы. Агидроагрегатқәа Аԥсны аҵакыраҿ игылоуп, аӡеизакырҭа – Қырҭтәыла. Астанциа ашықәсбжьаратә фымцамч аужьра х-миллиардки 700 миллион киловатт ыҟоуп сааҭк ала.
