АҞӘА, рашәара 19 — Sputnik. Аҳәынҭқарратә ахәыҷтәы хореографиатә ансамбль "Абаза" Актәи жәларбжьаратәи аконкурс-фестиваль "Неватәи апроспект" аҟны Гран-при анашьахеит. Абри атәы азгәаҭоуп ансамбль Instagram рдаҟьаҿы.
Посмотреть эту публикацию в Instagram
Акәашаҩцәа инарыгӡеит аԥсуа милаҭтә кәашара, иаразы иагьранашьахеит Гран-при.
Иазгәаҭоуп ансамбль егьырҭ аноминациақәа рҟны аԥхьахәқәа ишыриааиз.
Актәи жәларбжьаратәи аконкурс-фестиваль "Неватәи апроспект" мҩаԥысуеит рашәара 18 инаркны 21-нӡа Санкт-Петербург. Афестиваль аноминациақәа: ашәаҳәара, автортә ашәа анагӡара, атеатр, ахореографиа, ацирк, концертмеистерцәеи абалетмеистерцәеи рконкурс.
Ахореографиатә ансамбль "Абаза" арепертуар иалоуп адунеи ажәларқәа жәпакы рыкәашарақәа. Напхгара алҭоит Аԥсны Зҽаԥсазтәыз артист Циала Ҷкадуаԥҳа.
