09:53 27 Ԥхынгәы 2021
Ишиашоу ицо аефир
  • USD74.10
  • EUR87.32
Аԥсны
Икьаҿу ахьарԥш аиура
13 0 0

Сынтәа жәларбжьаратәи арратә хәмаррақәа мҩаԥгахоит нанҳәа 22 инаркны цәыббра 4 аҟынӡа 12 ҳәынҭқарра рҵакыраҿы.

АҞӘА, рашәара 25 – Sputnik, Бадраҟ Аҩӡба. Аԥсны жәларбжьаратәи арратә хәмаррақәа АрМИ-2021 ирылахәхоит ҳәа Sputnik иазеиҭеиҳәеит Аԥсны ар рподполковник Алиас Уанаҿа.

"Ҳкоманда ф-еицлабрак ирылахәхоит: "Атанктә биатлон", амузыкатә еицлабра "Акультура ар" (Москва), "Адесанттә взвод", "Атактикатә хысыҩ", (Риазань), "Амшынтә десант" (Владивосток), "Ельбрус амацәаз" (Ҟабарда-Балкариа)", - иҳәеит иара.

АрМИ-2021 ахь Аԥснынтәи ицараны иҟоуп 110-ҩык. Аицлабрақәа рҿы рхы иадырхәалоит аҭыԥ аҿы ирырҭо атехника.

"Арҭ аицлабрақәа аԥхынтәи-аӡынтәи ҳәа ишоит. Сынтәа аӡынтәи аицлабрақәа ҳрылахәын – "Саиантәи амарш". Имҩаԥысуан Саиантәи ашьхақәа рҿы, Красноиарсктәи атәылаҿацә. Уажәы аицлабрақәа фба ҳрылахәхоит", - ҳәа иҳәеит Алиас Уанаҿа.

Аԥснытәи акоманда Аҟәатәи аҳаиртә баӷәазаҟынтә Москваҟа иԥырраны иҟоуп нанҳәа 9 азы. Уантә аицлабрақәа рахь еихшаны ишьҭхоит. Алиас Уанаҿа иазгәеиҭеит АрМИ-2021 аартра ацеремониаан аԥсуа команда ҳтәыла абираҟ шьҭыхны ишцәырҵуа.

"Арратә хәмаррақәа иахьазы арратә олимпиадақәоуп, атәылақәа жәпакы рылахәуп. Арҭ ахәмаррақәа изныкымкәа ҳаҽрылаҳархәхьеит. Ҳара ҳзы ари акрызҵазкуа ҽазыҟаҵароуп", - ҳәа Аԥсны Атәылахьчара аминистр ицхырааҩ Александр Ачба иажәақәа азгәанаҭоит аминистрра асаит.

Иара иҳәеит Аԥсны шалахәхо зҟазара ҳараку атанктә екипажқәа злахәу аицлабрақәа.

"Ганкахьала ари ҵароуп, даҽа ганкахьала жәларбжьаратә ҩаӡарала ахәшьара аиуроуп", - ҳәа иҳәоит иара.

АрМИ-2021 апрограммаҿ иазыԥхьагәаҭоуп 34 еицлабра. 2021 шықәсазтәи ахәмаррақәа рахь инаԥхьоуп Аԥсны назлоу 96 тәыла.

Иара убас шәаԥхьар ҟалоит:

Ихадоу атемақәа