20:39 24 Цәыббра 2021
Ишиашоу ицо аефир
  • USD73.01
  • EUR85.68
Аԥсны
Икьаҿу ахьарԥш аиура
23 0 0

1979 шықәса рзы ииз саратовтәи аԥсшьаҩы Павел Даньков Гагра амшын дагеит ԥхынгәы 4 рзы ацәқәырԥара бааԥс аныҟаз.

АҞӘА, ԥхынгәы 8 - Sputnik, Бадраҟ Аҩӡба. Аԥсны Аҭагылазаашьа ҷыдақәа рзы аминистрра аусзуҩцәа Гагра амшын иагаз аԥсшьаҩы саратовтәи аԥсшьаҩы иԥсыбаҩ рыԥшааит. Абри атәы Sputnik иазеиҭарҳәеит АҶА апресс-маҵзураҿы.

"Аԥсыбаҩ аҟәараҿы ирыԥшааит, гагратәи ахәышәтәырҭа аԥсышьҭаҵарҭахь инаргеит", - рҳәеит аусбарҭаҿы. 

Апресс-маҵзураҿы иара убас иазгәарҭеит иақәнагоу адокументқәа шеиқәдыршәо иҭахаз Павел Даньков иԥсыбаҩ Урыстәылаҟа ашьҭразы, иуацәа Аԥсныҟа ианаалак ашьҭахь. 

Аԥсны АҶА уаанӡа адырра ҟанаҵахьан аԥсшьаҩы амшын бааԥсны ишеисуазгьы, ацәқәырԥақәа х-метрак рҟынӡа ишнаӡозгьы, иара аӡы дышҭалаз, ауаа рыла ишабоз дӡааҟәрыло далагеит. Аҟәараҿы игылаз аӡәгьы дзимыцхрааит ацәқәырԥа дуқәа ирыхҟьаны. 

Ԥхынгәы 4 рзы ахәылбыҽха Аԥсны аԥшатлакә асит, ақәаршыҩ леит, уи иахҟьаны атәыла еиуеиԥшым ахәҭақәа рҟны аҩнқәа рхыбқәа рыхнахит, аҵлақәа канажьит.

Ихадоу атемақәа