09:45 27 Ԥхынгәы 2021
Ишиашоу ицо аефир
  • USD74.10
  • EUR87.32
Аԥсны
Икьаҿу ахьарԥш аиура
31 0 0

Ашәахьа ԥхынгәы 12 рзы иҟаз адыррала, апандемиа иалагеижьҭеи Аԥсны акоронавирус зыхьхьоу рхыԥхьаӡара 19 нызқьҩык иреиҳахеит.

АҞӘА, ԥхынгәы 13 - Sputnik. Аԥсны агәабзиарахьчара аминистр Едуард Быҭәба ахада Иусбарҭаҿы имҩаԥысыз аилатәараҟны ажәалагала ҟаиҵеит акоронавирус аҿагыларазы аԥкрақәа иҵегьы ирӷәӷәазарц. Абри атәы аанацҳауеит Аслан Бжьаниа ипресс-маҵзура.

Агәабзиарахьчара аминистр аҳәамҭа ҟаиҵеит атәылаҿы COVID-19 акәша-мыкәша иҟоу аҭагылазаашьа шыуадаҩу. 

Ҷыдала иуҳәозар, Едуард Быҭәба анаҩстәи ажәалагалақәа ҟаиҵеит:

  • русура ԥкызарц аџьармыкьақәа, азеиԥш крыфара-чара аобиектқәа, афатә адәахьы идәылганы иара убас аҭыԥ аҟны рызнагара еиҿкааны
  • афитнес-клубқәа, аспорттәи аҵараҵаратәи секциақәа
  • акультура-массатә усмҩаԥгатәқәа аанкылазарц ахыбрақәа рыҩнуҵҟеи адәаҿгьы
  • ауаа иахьабалак асабрадақәа рҿазарц, изҿазымҵо ахараԥса дыршәаны
  • аԥсшьаҩцәа ахьрыдыркыло аобиектқәа зегьы рҿи аҳәааҿи ашоурашәара еиҿкаазарц
  • аиҿкаарақәеи анаплакқәеи 60 шықәса ирҭысхьоу русзуҩцәа аҩнынтәи аусурахь ииаргарц
  • ауадақәеи уаҩы инапы ахьакьысуа ақәыԥшыларақәеи ианаамҭоу ирыцқьалазарц

Ԥхынгәы 5 рзы Аԥсны амч роуит аԥкрақәа: ачарақәеи, агәырӷьаратәи аныҳәатәи усмҩаԥгатәқәеи, аиныхрақәеи, ауаа рацәа злахәу егьырҭ аусмҩаԥгатәқәеи иарку ауаажәларратә крыфара-чара ахыбрақәа рҿы рымҩаԥгара ҟалом.

Ԥхынгәы 12 инаркны иаркуп акультуратә усбарҭақәа.

Иара убас шәаԥхьар ҟалоит:

Ихадоу атемақәа