19:50 25 Ԥхынгәы 2021
Ишиашоу ицо аефир
  • USD73.77
  • EUR86.85
Аԥсны
Икьаҿу ахьарԥш аиура
10 0 0

Аԥсны аҳәынҭқарратә миграциатә маҵзура 2021 шықәса абжьарарбагақәа ҟаиҵеит аусбарҭа аиҳабы Рамин Габлаиеи аԥыза-министр Александр Анқәаби реиқәшәараан.

АҞӘА, ԥхынгәы 22 - Sputnik. Акоронавирус инадҳәаланы Урыстәыла иаланагалаз аԥкрақәа ирхырҟьаны 2021 шықәса ԥхынгәы 1 азтәи адыррала Аԥсны иҟоуп 2 908-ҩык аҳәаанырцәуаа, ҳәа иҳәеит аҳәынҭқарратә миграциатә маҵзура аиҳабы Рамин Габлаиа аԥыза-министр даниҿцәажәоз. Абри атәы аанацҳауеит Аминистрцәа реилазаара асаит.

2021 шықәса аԥхьатәи азыбжазы амаҵзура аусура иаанашьҭыз аҳәынҭқарратә баџь 15 миллион 610 нызқьмааҭ ыҟоуп иҳәеит Габлаиа.

Иара иажәақәа рыла аџьатә мигрантцәа Аԥсныҟа иаауеит Урыстәыла, Азербаиџьан, Ермантәыла, Киргизиа, Молдова, Ҭырқәтәыла, Украина, Белоруссиа, Аладатәи Кореиа, Китаи, Таџьикистан, Узбекистан рҟынтә.

Аԥсны аҳәынҭқарратә миграциатә маҵзура аиҳабы ажәалагалақәа ҟаиҵеит амаҵзура аусура аиӷьтәразы. Габлаиа иҳәеит аџьатә миграциа ахылаԥшра еиҳа инарҭбааны аҭаразы Аԥсны азакәанԥҵара харҭәаатәуп, ариашарақәа алагалатәуп. Абри аганахь ала ихадоу усны иазгәеиҭеит аҳәаанырцәуаа аамҭала иахьнеиуа аҭыԥ аҿы рҭаҩра аус аиӷьтәра.

Габлаиа иара убасгьы иазиԥхьаӡоит ихымԥадатәны иалагалатәуп ҳәа аҳәаанырцәуаа рмедицинатә ҭагылазаашьа аҭҵаара, аиҳаракгьы уажәы, аепидемиологиатә ҭагылазаашьа ауадаҩраан.  

Уи адагьы иара иҳәеит ВИЧ, гепатит В ма С змоу амигрантцәа атәыла ралгаразы 2012 шықәсазтәи Абжьагара шырзынамыгӡо, избанзар аҳәаанырцәуаа атәыла ралгара мҩаԥызго аӡбарҭақәа роуп, уигьы административтә зинеилагаразы.

Аԥыза-министр амаҵзура аиҳабы инапы ианиҵеит арҭ азҵаарақәа аус рыдуылазарц аҳәынҭқарратә зинмчра змоу аусбарҭақәа алархәны ажәалагалақәа аус рыдуыларазы.

Ихадоу атемақәа