Бжьаниа ашәҭқәа шьҭеиҵеит Цхьынвал ашкол №5 ашҭаҿы игылоу амемориал аҿы

© SputnikАслан Бжания
Аслан Бжания  - Sputnik Аҧсны, 1920, 07.08.2021
Анапаҵаҩра
Аслан Бжьаниа зхадараҿы дыҟоу аԥснытәи аделегациа нанҳәа 6 рзы Аахыҵ Уаԥстәыла инеит 2008 шықәсатәи ахҭысқәа 13 шықәса рхыҵра иазку Аахыҵ Уаԥстәыла имҩаԥысуа ауснагӡатәқәа рылахәхаразы.
АҞӘА, нанҳәа 7 - Sputnik. Аԥсны ахада Аслан Бжьаниа цхьынвалтәи ашкол №5 ашҭаҿы иҟоу Амемориалтә нышәынҭраҿы игылоу ауахәама маҷ аҿаԥхьа ашәҭқәа шьҭеиҵеит, абри атәы аанацҳауеит Sputnik Аахыҵ Уаԥстәыла.

Алада Уаԥстәыла арҭ амшқәа рзы имҩаԥысуеит 2008 шықәсатәи ахҭысқәа 13 шықәса рхыҵра иазку агәалашәаратә усмҩаԥгатәқәа.
Асабша нанҳәа 7 рзы имҩаԥысуеит Аԥсны Аахыҵ Уаԥстәылеи рхадацәеи рделегациақәеи реиԥылара. 
Цхьынвал иҟоу Аԥсны Ацҳаражәҳәарҭаҿы аицџьынџьуаа рԥылара мҩаԥысраны иҟоуп. Асабша ахәылбыҽха Аслан Бжьаниеи напхгара зиҭо аделегациеи агәалашәаратә усмҩаԥгатәқәа ирылахәхоит. 
 
Ари раԥхьатәи Бжьаниа Аахыҵ Уаԥстәылаҟа иусутә ныҟәароуп атәыла ахада иаҳасабала. Иара уа дыҟазаауеит нанҳәа 9 рҟынӡа. Уи аҽны иара ашәҭқәа шьҭеиҵоит "Аԥсадгьыл ахьчаҩцәа" рмемориал аҿаԥхьа, даҭаауеит Аҭынчреиҿкааҩцәа рбаза, уаҟагьы ашәҭшьҭаҵара ацеремониа мҩаԥысраны иҟоуп.
Ажәабжьқәа зегьы
0