09:34 17 Цәыббра 2021
Ишиашоу ицо аефир
  • USD72.43
  • EUR85.36
Аԥсны
Икьаҿу ахьарԥш аиура
Аҿкычымазара – акоронавирус Аԥсни адунеи аҿи: иалкаау (1448)
13 0 0

Агәабзиарахьчара аминистр Едуард Быҭәба нанҳәа 31 азы даҭааны игәеиҭеит акомпиутертә тамограф аиҭашьақәыргыларатә усурақәа шымҩаԥысуа.

АҞӘА, цәыббра 1- Sputnik. Гәдоуҭатәи аковид хәышәтәырҭаҿы иқәгылоу акомпиутертә томограф мышқәак рышьҭахь аусура иаладыргоит ҳәа аҳәамҭа ҟаиҵеит Агәабзиарахьчара аминистр Едуард Быҭәба аппарат аремонт ҟазҵо аҟазауаа данрыҿцәажәа ашьҭахь. Абри атәы аанацҳауеит Аԥсныпресс.

"Иҟаҳҵаз аҳәарала арахь иааган иагьыԥсахын арентгентә трубка. Аппарат агәаҭаратә режим ала аус аруын", - иҳәеит аминистр.
Быҭәба иазгәеиҭеит аппарат аремонт шцо, аусура аларгаразы мышқәак аҭахны ишыҟоу.

Нанҳәа 12 рзы Гәдоуҭатәи аковид-госпиталь атамограф ԥхасҭахеит.

Акоронавирус аламырҵәаразы акоординациатә штаб аилатәараан аԥыза-министр Александр Анқәаб аҳәамҭа ҟаиҵеит атомограф аиҭашьақәыргылара шалымшо, аҿыц шаахәатәу, уи 60 миллион мааҭ шақәырӡтәхо. Иара иазгәеиҭеит уи азы аиҳабыра абиуџьет аҟынтәи аԥара рыԥшаарц ажәалагала шыҟарҵо.

Аԥыза-министр иҳәамҭа ауаажәларра рыбжьара ацәажәарақәа ахылҿиааит. "Абаза-ТВ" арепортаж аҿы уи ииҳәаз азы агәынамӡара шрымоу аадырԥшит атомограф арахь иаазгаз аилахәыреи уи аахәаразы аԥара еизызгаз ҳџьынџьуаа реиҿкаара "Ҳара ҳаидгылоуп" алахәылацәеи.

Аԥсны ахада Аслан Бжьаниа Гәдоуҭатәи аковидхәшәтәырҭаҿы акомпиутертә томограф аремонт азутәуп ҳәа аҳәамҭа ҟаиҵеит, агәабзиарахьчара аминистрра адҵагьы риҭеит иаарласны аремонт азуразы иаҭаху ахәҭақәа раахәарази амаругақәа аусура раларгарази аиқәшаҳаҭра рыбжьарҵарц.

Атемақәа:
Аҿкычымазара – акоронавирус Аԥсни адунеи аҿи: иалкаау (1448)

Ихадоу атемақәа