01:47 28 Цәыббра 2021
Ишиашоу ицо аефир
  • USD72.66
  • EUR85.04
Аԥсны
Икьаҿу ахьарԥш аиура
6 0 0

Жәларбжьаратәи арратә хәмаррақәа–2021 мҩаԥысуан нанҳәа 22 инаркны цәыббра 4 нӡа 11 ҳәынҭқарра рҵакыраҿы, иалахәын 40 тәыла рҟынтәи 5 нызқь-ҩык рҟынӡа аруаа.

АҞӘА, цәыббра 5 – Sputnik. Урыстәыла ахада Владимир Путин жәларбжьаратәи арратә хәмаррақәа–2021 ахыркәшаратә усмҩаԥгатә иалахәыз  ирыдныҳәало иазгәеиҭеит, аицлабрақәа рхатәы традициақәа рӷәӷәо, мҽхатәы ҭбаалатәи хҭысны ишыҟалаз. АрМи-2021 ҩаӡара ҳаракыла  имҩаԥысит ҳәа аҳәоит Кремльтәи  асаит аҟны икьыԥхьу ателеграммаҿы.

"2015 шықәса рзын ихацыркыз Арратә хәмаррақәа ари аамҭа иалагаӡаны иарӷәӷәеит ахатәы традициақәа. Гәахәарыла иалскаауеит АрМи-2021 ҩаӡара ҳаракыла аиҿкааратә усқәа ахьымҩаԥгаз, аҽарҭбааит агеографиа, акомандақәа рхыԥхьаӡара иацлеит. Аицлабра апрограмма  акәзар уи аҵакы  аҽарҭбааит иамҽханакуеит арратә занааҭқәа зегьы", - ҳәа азгәаҭоуп ателеграммаҿы.

Иара убас, Путин  иҳәеит ахәмаррақәа иеиднакыло рхыԥхьаӡара еиҳа-еиҳа ишацло  Урыстәылантәи еиԥш егьырҭ  аҳәынҭқаррақәа рҟынтәгьы. Алшара рнаҭоит рҟазара ацәыргара, хра злоу аусқәа  ииашаны иаарласны рыӡбара.

"Ахәмарра аҳәаақәа ирҭагӡаны  ахысырҭақәа рыҟны  аицлабра иалахәызи асасцәеи абара рылшеит иҿыцӡоу аҭыԥантәии аҳәаанырцәтәии ахыхьчаратә ааглыхратә комплексқәа", - иҳәеит Урыстәыла ахада.

Жәларбжьаратәи арратә хәмаррақәа–2021 мҩаԥысуан нанҳәа 22 инаркны цәыббра 4 нӡа 11 ҳәынҭқарра рҵакыраҿы (Урыстәыла, Алжир, Ермантәыла, Белорусиа, Ветнам, Иран, Катар, Казахстан, Китаи, Сербиа, Узбекистан).  Аицлабрақәа ирылахәын 5 нызқь-ҩык рҟынӡа аруаа 40 тәыла рҟынтәи, урҭ рыбжьара иҟан Аԥснытәи акомандагьы.

 

 

Ихадоу атемақәа