04:26 28 Цәыббра 2021
Ишиашоу ицо аефир
  • USD72.66
  • EUR85.04
Аԥсны
Икьаҿу ахьарԥш аиура
21 0 0

Аԥснытәи аӡбаҩцәа рҟазара ацҵара мҩаԥгахоит 2021 шықәса ԥхынгәы 23 азы анапы зҵаҩыз Аԥсны амҵәышәымпыл Афедерациеи Росенергоатом аспорттә технологиақәа Рцентри рыбжьара аусеицуразы аиқәшаҳаҭра аҳәаақәа ирҭагӡаны.

АҞӘА, цәыббра 13 – Sputnik, Бадраҟ Аҩӡба. Росенергоатом аспорттә технологиақәа Рцентр аԥсуа зыҟаҵаҩцәеи аӡбаҩцәеи рзанааҭтә ҩаӡара ашьҭыхразы апрограмма аизырҳара онлаин формат ала имҩаԥыргалоит, ҳәа Sputnik иазеиҭеиҳәеит Аԥсны амҵәышәымпыл Афедерациа аиҳабы Ераст Агәмаа.

Агәмаа иазгәеиҭеит акурсқәа ртематикахь ишаҵанакуа амҵәышәымпыл аԥҟаррақәа, ихадоу ахәмарра хкқәа, атехника, атактика, аиҿкааратә зҵаарақәа, аӡбашьатә методика, ахәмарра аҿиара ахшыҩҵак хада. Апрактикатә бжьгарақәа, аԥсихологиатә зыҟаҵара, аӡбашьа атеориатә шьаҭақәа уҳәа ирацәаны.

© Foto / предоставлено Эрастом Агумава
Ераст Агәмаа

Акурсқәа ирылго ирыҭахоит рҟазара ишацырҵаз азы асертификат абаҩрҵәыразы Смоленсктәи аҳәынҭқарратә академиаҟынтә. Аҽазыҟаҵарақәа мҩаԥысуеит цәыббра 15 инаркны ԥхынҷкәын 9 рҟынӡа.

"Росенергоатом Аԥсны амҵәышәымпыл Афедерациа иазыҟанаҵо ацхыррараз  ҭабуп ҳәа расҳәоит", - иҳәеит Ераст Агәмаа.

Иара иҳәеит Афедерациа ахықәкы хадақәа ишреиуоу амилаҭтә еиндаҭлара ахацыркра.

"Ҳара имҩаԥаагоит атурнирқәа, урҭ рыбжьара иҟокп 1992-1993 шықәсазтәи Аџьынџьтәылатә еибашьараҿы игаз аиааираз, амҵәышәымпыл Афедерациа раԥхьатәи ахада Сергеи Багаԥшь игәалашәаразы, аха ачемпионат хымԥада ихацырктәуп" - иҳәеит иара.

Ареспубликаҿ амҵәышәмпыл алаҵәара шьҭаханы иҟоуп убри азы Афедерациа еиуеиԥшым ауснагӡатәқәа мҩаԥнагараны иҟоуп.

Ачемпионат еиҳарак амҩаԥгара изаҟәыҵыз ари аспортхкы ахь инеиуаз ахьмаҷхаз ауп. Ачемпионат амҩаԥгаразы ареспублика зегь аҟны акомандақәа еизганы еиндаҭлозароуп, уи азы иахәҭоу аԥара азоужьрагьы ыҟазароуп, иҳәеит Агәмаа.

Ихадоу атемақәа