Аԥсуа драматә театр алахәхоит Ҭаҭарсҭантәи атеатр афестиваль

© Sputnik / Томас ТхайцукСпектакль "Кролики и удавы".
Спектакль Кролики и удавы. - Sputnik Аҧсны
Анапаҵаҩра
Карим Тинчурин ихьӡ зху амилаҭ драматургиа ажәбатәи атеатртә фестиваль мҩаԥысраны иҟоуп Ҭаҭарсҭан, жьҭаара 30 инаркны абҵара 6 рҟынӡа.

АҞӘА, жьҭаара 31 – Sputnik. Аԥсуа драматә театр алахәхоит Карим Тинчурин ихьӡ зху амилаҭ драматургиа ажәбатәи атеатртә фестиваль. Афестиваль мҩаԥысраны иҟоуп Ҭаҭарсҭан, жьҭаара 30 инаркны абҵара 6 рҟынӡа. Абри атәы радио Sputnik иазеиҭалҳәеит атеатр арежиссер Мадина Аргәынԥҳа.

Лара лажәақәа рыла, абҵара 3 рзы аԥсуа драматә театр иқәнарылоит аспектакль "Ажьақәеи арқьымаҭқәеи".

"Аспектакль алаҳхит, избанзар афестиваль амилаҭ цәа аҟәнуп, аԥсуа режиссиор лықәыргыламҭа аҭахын. Ҳара иара убасгьы ҳалахәхоит Тинчурин ихьӡ зху атеатр 85-шықәса ахыҵра аныҳәа", — лҳәеит Аргәынԥҳа.

Аспектакльқәа андырбахалак ашьҭахь акритикцәа алацәажәараны иҟоуп.

"Аригьы аинтерес ду аҵоуп. Сара режиссиорк иҳасаб ала апрофессионалтә хәшьара сусумҭа иаиур сҭахуп", — ҳәа лҳәеит лара.

Мадина Аргәын арадио иалҭаз аинтервиу шәазыӡырҩыр ҟалоит абра>>

Карим Тинчурин ихьӡ зху амилаҭ драматургиа атеатртә фестиваль аԥҵан 1991 шықәса рзы Ҭаҭарсҭан акультура аминистрра аԥшьгарала. 2014 шықәса рзы афестиваль жәларбжьаратәи астатус аиуит.

Афестиваль апрограмма иалахәуп амилаҭтә драматургиа ала иқәыргылоу иреиӷьӡоу аспектакльқәа.

Ажәабжьқәа зегьы
0