09:38 24 Хәажәкыра 2019
Ишиашоу ицо аефир
  • USD63.77
  • EUR72.59

Лука Гаделиа Большои театр аҟны раԥхьаӡа акәны дықәгылеит

© Foto / КЛАССИК-ИНФО
Акультура
Икьаҿу ахьарԥш аиура
20 0 0

Есышықәсатәи ауарӷантә концерт-хада "Триумф любви" мҩаԥысит Большои театр аҿы хәажәкыра 5 рзы.

АҞӘА, хәажәкыра 7– Sputnik, Сариа Кәарцхьиаԥҳа. Аԥсны зҽаԥсазтәыз артист Лука Гаделиа идебиуттә қәгылара мҩаԥысит хәажәкыра 5 рзы  Москва, Большои театр аҟны. Абри атәы арадио Sputnik иазеиҭеиҳәеит Лука Гаделиа ихаҭа.

Аԥснытәи ауарӷанарҳәаҩ аконцерт-хадахь  ааԥхьара илҭеит апроект аԥшьгаҩ Евгениа Кривицкаиа.

"Сара сзы ари шьаҿа дууп. Илегендатәу Большои театр асценаҿ ақәгылара ныҳәа дууп. Игәахәара дуны исзыҟалеит Евгениа Кривицкаиа иҟалҵаз ааԥхьара. Сара ари атеатр хәаԥшҩык иҳасабала саҭаахьан, аха асценаҿ аҟазаара ҳәашьа змам гәахәароуп", - ҳәа еиҭеиҳәеит Лука Гаделиа.

Аконцерт-хада апрограмма аромантикатә цәа аҟәнын. Гаделиа соло ҳасабла иқәгылареиԥш ансамбльқәа дрылахәынгьы дықәгылан.

"Насыԥны исоуит Большои театр ахапанагӡаҩ Светлана Шилова, аскрипкарҳәаҩ Лиудмила Херсонскаиа рыцықәгылара. Александр Болдачеви Алексеи Волкови сареи еицынаҳагӡеит аопера "Порги и бесс" аҟынтәи Клара лгарашәа", - ҳәа далацәажәоит Гаделиа.

Есышықәсатәи ауарӷантә концерт-хада "Триумф любви" мҩаԥысит Большои театр аҿы хәажәкыра 5 рзы.

Ихадоу атемақәа

  • Тото Аџьапуа

    Аԥсны Жәлар рартист, "Ахьӡ-Аԥша" аорден III аҩаӡареи Леон иордени занашьоу, Д.И. Гәлиа ихьӡ зху Аҳәынҭқарратә премиа алауреат, СССР Акомпозиторцәа реидгыла алахәыла Тото Аџьапуа 80 шықәса ихыҵит. Аҟазараҿы раԥхьатәи ишьаҿақәа игәаларшәо, иара дрыхцәажәеит аԥсуа ашәа агәыбылра изыркыз аҭагылазаашьеи ауааи, насгьы иҳәеит ҳаамҭазтәи аԥсуа ашәақәа рҵыхәала игәы иаанаго.

    53
  • Еркәыт Аӡынба

    Ҭырқәтәылантәи шықәсқәак раԥхьа зҭоурыхтә ԥсадгьыл ахь нхара ҳәа иааз Еркәыт Аӡынба игәҭахәыцрақәа.

    142
  • Анна Сангулия

    "Ашацәа изыршаз ала дымҩасит", "изыԥҵәоу аамҭа", "игәахәтәы дахьымӡеит" - абас рҳәоит аԥсуаа ауаҩы илахьынҵазы. Аԥсуаҭҵааратә институт аетнологиеи антропологиеи рыҟәша аҭҵаарадырратә усзуҩ, ААУ адоцент Марина Барцыцԥҳа дазааҭгылоит аԥсуаа ртрадициатә дунеидкылашьаҿы ауахҭа ишазыҟоу.

    62