https://sputnik-abkhazia.info/20210907/Aslan-Bzhania-RUSDRAM-40-shysa-akhyra-adinyaleit-1033167848.html
Аслан Бжьаниа РУСДРАМ 40 шықәса ахыҵра адиныҳәалеит
Аслан Бжьаниа РУСДРАМ 40 шықәса ахыҵра адиныҳәалеит
Sputnik Аҧсны
Цәыббра 7 рзы РУСДРАМ 40 шықәса ахыҵит, иара аҭоурых ахы акит 1981 шықәсазы Аҟәатәи ахәаԥшҩы қәыԥш итеатр ҳәа астатус аманы. 07.09.2021, Sputnik Аҧсны
2021-09-07T20:37+0300
2021-09-07T20:37+0300
2021-09-07T20:40+0300
аԥсны
ажәабжьқәа
акультура
https://cdnn1.img.sputnik-abkhazia.info/img/07e5/09/03/1033147303_0:0:2600:1463_1920x0_80_0_0_2ed7e9c60bfb572df641281eaa533664.jpg
АҞӘА, цәыббра 7 - Sputnik. Аԥсны ахада Аслан Бжьаниа Аҳәынҭқарратә Фазиль Искандер ихьӡ зху Аурыс драматә театр 40 шықәса ахыҵра инамаданы адныҳәалара ҟаиҵеит, абри атәы аанацҳауеит ахада ипресс-маҵзура."Гәык-ԥсык ала ишәыдысныҳәалоит Ф.А. Искандер ихьӡ зху Аҳәынҭқарратә аурыс драматә театр аԥҵоижьҭеи 40 шықәса аҵра амш.Аурыс драматә театр – зҭоурых иналукааша аартрақәеи, хашҭшьа змам аспектакльқәеи, иҿымцәаауа рҿиаратә гәазыҳәаралеи иҭәу культуратә ҭынханы иҳамоуп. Иахьагьы жәашықәса раԥхьеиԥш, Аурыс драматә театр аҟазара иҳараку аестетикатә идеалқәа еиламгакәа, убри аан ҳазҭагылоу аамҭагьы аҽақәыршәаны, иҿыцу асахьаркыратә аартрақәа хырхарҭас ишьҭнахит", - ҳәа аҳәоит адныҳәаларатә текст.Бжьаниа гәалсрала иазгәеиҭеит, ари атеатргьы, егьырҭ акультуратә усҳәарҭақәа зегьы реиԥш, аԥкрақәа ишрыниаз, аха уи аамҭалоуп ҳәа ациҵеит."Агәра згоит ҳамч зегьы еилаҵаны апандемиа аиааира шҳалшо, акультуреи аҟазареи аусзуҩцәа Аԥсны аизҳазыӷьара иазку рылшарақәа рынагӡаразы алшара шроуа азы", - иҳәеит атәыла ахада.РУСДРАМ аҭоурых ашьапы акит аспектакль "Ашәҭ ҟаԥшь" ала. Цәыббра 7, 1981 шықәсазы Аҟәатәи Ахәаԥшҩы қәыԥш итеатр Аԥсуа драматә театр асценаҿы раԥхьатәи аспектакль – алакә "Ашәҭ ҟаԥшь" ықәиргылеит арежиссиор Михаил Мархолиа.
https://sputnik-abkhazia.info/20210907/Iskander-ikh-zkhu-ateatr-RUSDRAM-40-shysa-akhyit-1033162974.html
Sputnik Аҧсны
media@sputniknews.com
+74956456601
MIA „Rossiya Segodnya“
2021
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, ажәабжьқәа, акультура
аԥсны, ажәабжьқәа, акультура
Аслан Бжьаниа РУСДРАМ 40 шықәса ахыҵра адиныҳәалеит
20:37 07.09.2021 (ирҿыцуп: 20:40 07.09.2021) Цәыббра 7 рзы РУСДРАМ 40 шықәса ахыҵит, иара аҭоурых ахы акит 1981 шықәсазы Аҟәатәи ахәаԥшҩы қәыԥш итеатр ҳәа астатус аманы.
АҞӘА, цәыббра 7 - Sputnik. Аԥсны ахада Аслан Бжьаниа Аҳәынҭқарратә Фазиль Искандер ихьӡ зху Аурыс драматә театр 40 шықәса ахыҵра инамаданы адныҳәалара ҟаиҵеит, абри атәы аанацҳауеит ахада ипресс-маҵзура.
"Гәык-ԥсык ала ишәыдысныҳәалоит Ф.А. Искандер ихьӡ зху Аҳәынҭқарратә аурыс драматә театр аԥҵоижьҭеи 40 шықәса аҵра амш.
Аурыс драматә театр – зҭоурых иналукааша аартрақәеи, хашҭшьа змам аспектакльқәеи, иҿымцәаауа рҿиаратә гәазыҳәаралеи иҭәу культуратә ҭынханы иҳамоуп. Иахьагьы жәашықәса раԥхьеиԥш, Аурыс драматә театр аҟазара иҳараку аестетикатә идеалқәа еиламгакәа, убри аан ҳазҭагылоу аамҭагьы аҽақәыршәаны, иҿыцу асахьаркыратә аартрақәа хырхарҭас ишьҭнахит", - ҳәа аҳәоит адныҳәаларатә текст.
Бжьаниа гәалсрала иазгәеиҭеит, ари атеатргьы, егьырҭ акультуратә усҳәарҭақәа зегьы реиԥш, аԥкрақәа ишрыниаз, аха уи аамҭалоуп ҳәа ациҵеит.
"Агәра згоит ҳамч зегьы еилаҵаны апандемиа аиааира шҳалшо, акультуреи аҟазареи аусзуҩцәа Аԥсны аизҳазыӷьара иазку рылшарақәа рынагӡаразы алшара шроуа азы", - иҳәеит атәыла ахада.
РУСДРАМ аҭоурых ашьапы акит аспектакль "Ашәҭ ҟаԥшь" ала. Цәыббра 7, 1981 шықәсазы Аҟәатәи Ахәаԥшҩы қәыԥш итеатр Аԥсуа драматә театр асценаҿы раԥхьатәи аспектакль – алакә "Ашәҭ ҟаԥшь" ықәиргылеит арежиссиор Михаил Мархолиа.
