Афотосахьақәа

Ашҭа ҟаԥшь аҿы, Аџьынџьтәылатә еибашьра Ду аҿы Аиааира 75 шықәса ахыҵра аҳаҭыраз имҩаԥгаз апарад хыркәшоуп. Аныҳәаҟынтә иреиӷьу аҭыхымҭақәа Sputnik афотонҵамҭаҟны.

75 шықәса раԥхьа Москва, Ашҭа Ҟаԥшь аҟны имҩаԥысит раԥхьатәи апарад, уи адунеи аҟны зегь реиҳа зымҽхак духаз, ауаа ргәалашәараҿы иаанхаз акәхеит. Иара Аџьынџьтәылатә еибашьра Ду аҿы СССР афашисттә Германиа иахьаиааиз иазкын. Аҭоурыхтә кадрақәа - Sputnik афотонҵамҭаҿы.

Аиааира Ду 75 шықәса ахыҵра аныҳәа азгәарҭоит уаҵәы! Рашәарамза 24, 1945 шықәсазы имҩаԥган - аҭоурыхтә парад.

Аҟәатәи аботаникатә баҳчаҿы ишәҭит хкы рацәала ашәҭқәа, аха урҭ рыԥшӡара збо маҷҩуп, Аԥсни Урыстәылеи рҳәаа ахьарку иахҟьаны аԥсшьаҩцәа ыҟам.

Лаҵара 21, 1864 шықәса – Кавказтәи аибашьра аҵыхәтәантәи амш ҳәа иԥхьаӡоуп. Ари амш аҽны ҳџьынџьуаа ахьыҟазаалак агәаларшәаратә хәылԥазқәа мҩаԥыргоит.

Лаҵара 15 инаркны азин ыҟоуп аԥҟарақәа ирықәныҟәаны акаҳуажәырҭақәа русура, убасгьы ихацыркхоит ақалақьбжьаратә транспорт аныҟәара.

Д.И.Гәлиа ихьӡ зху аҳәынҭқарратә премиа занашьоу Аԥсны Жәлар рпоет, Ҟабарда-Балкариеи Адыгатәылеи Жәлар рышәҟәыҩҩы, “Ахьӡ-Аԥша” аорден I аҩаӡара акавалер Баграт Уасил-иԥа Шьынқәба диижьҭеи 103 шықәса аҵра аҽны иԥсҭазаара аимгеимцарақәак шәгәалашәыршәарц ишәыдаагалоит.

Маи 9 рзы Асовет Еидгыла иалаз аҳәынҭқаррақәа зегьы иазгәарҭеит Аиааира Ду 75 шықәса ахыҵра. Абаҟақәа рымҵан ашәҭшьыҵәрақәа шьҭарҵеит.

75 шықәса раԥхьа Москва имҩаԥысит раԥхьатәи Аиааира Ду апарад. Асовет жәлар иазгәарҭон Аџьынџьтәылатә еибашьраҿы иргаз аиааира.

Мшаԥы 23 рзы Аԥсны ахадас иалху Аслан Бжьаниа иҭоубашьҭаҵара мҩаԥысит Аԥсны ахада Иусбарҭа аконференц-зал аҿы.

Иԥшьоу Анцәа иан Лажәабжь бзиа иазку Аҟәатәи акафедралтә уахәамаҟны Мшаԥныҳәазтәи анцәамаҵзура мҩаԥысит мшаԥымза 18-19 реихаламҭазы.

Хәажәкыра 28 инаркны мшаԥымза 20 рҟынӡа Аԥсны иалагалоуп аҭагылазаашьа ҷыда. Аԥсни Урыстәылеи рҳәаа аркуп атәым милаҭқәа рзеиԥш, атәылауаҩра змам ахаҿқәа рзгьы.

Аԥсны хәажәкыра 28 инаркны аҭагылазаашьа ҷыда алагалоуп. Атәыла изҭалом аҳәаанырцә тәылауааи атәылауаҩра змам ахаҿқәеи.

Аԥсны акоронавирус аҽацәыхьчареи аламырҵәареи хықәкыс иҟаҵаны аԥкрақәа аларгалеит. Хәажәкыра 28 инаркны атәыла аҩнуҵҟа аҭагылазаашьа ҷыда алагалоуп.

Аԥсны Аҳәынҭқарра ахада иалхрақәа мҩаԥысит амҽыша, хәажәкыра 22 рзы алхырҭатә ҭыԥқәа 152 рҿы. Москвеи Черқьесски иаартын алхырҭатә ҭыԥқәа акака. Ахадарахьы иқәгылан акандидатцәа хҩык.

Ажара – Аԥсны еиҳа инахараны ишьҭоу қыҭоуп. Уи Кәыдрытәи аҩхаахь иаҵанакуеит, Аҟәантәи уаанӡа 84 километра бжьоуп.

Гал араион иаҵанакуа Гагьида ақыҭа игылоуп шәышықәса инареиҳаны изхыҵуа ашкол.

Ажьырныҳәа азгәарҭоит иара ахьӡ зыхҵоу амза 13 ауха, уи аҧсуаа итрадициатәу ретникатә религиа иаҵанакуа аныҳәа хадақәа ируакуп.

Зықьҩык инарзынаԥшуа аоппозициаа рхаҭарнакцәа атәыла ахада Иусбарҭа аҿаԥхьа еизеит, ахыбра аҩналара рҽазыршәеит. Урҭ рыхәҭак ахыбра ашә ԥҽны иҩналеит.

Аинформациатә маҵзура Sputnik Аԥсны аусура иалагеит ԥхынҷкәын 8, 2014 шықәса рзы. Хәышықәса рыҩнуҵҟа апортали арадиои Sputnik ареспубликатә хҭысқәа реиԥш, аҳәаанырцәтәи ажәабжьқәагьы еиҭанаҳәоит.