Еиуеиԥшым аинформациатә хархәагақәа шырацәахазгьы, ателехәаԥшра ауаажәларраҿы ахатә ҭыԥ аанакылоит, уи аҭахра мыӡӡеит, иҳәеит арадио Sputnik Аԥсны амҩаԥгаҩ Сусана Саӡԥха ҭелла дзыҿцәажәаз Гагратәи ателехәаԥшра аиҳабы Русҭан Конџьариа.
"Есыҽнытәи ажәабжьқәа рыда, Гагратәи ателехәаԥшра аефир иазҳархиоит Аџьынџьтәылатәи еибашьра аветеранцәа ирызкны аочеркқәа. Иҳәатәуп, ирацәаны аматериалқәа еидаҳкылеит ҳәа. Иҳалшо ала, ҳазлахьӡо ала, аус аауеит", — иҳәеит Русҭан Конџьариа.
Шәазыӡырҩла Sputnik Аԥсны арадио ишиашоу ицо аефир, асааҭ 18:00 рзы.
Аҳамҭа аҵаки ҳамҭас иҟарҵои ртәы ҳзеиҭалҳәоит Нарҭдырреи адәынтәи афольклорҭҵаареи рцентр аҭҵаарадырратә усзуҩы Есма Ҭодуаԥҳа.
Аԥсны Жәлар рпоет, Аԥсны Ашәҟәыҩҩцәа Рассоциациа ахантәаҩы, иреиҳаӡоу аҳәынҭқарратә ҳамҭа "Ахьӡ-Аԥша" аорден I аҩаӡара занашьоу, Пушкин имедал иаԥсахахьоу апоет Мушьни Лашәриа ажьырныҳәа 16 рзы имшира азгәеиҭоит.
Аиашахаҵаратә қьырсианра иаҵанакуа Иаса Қьырса Иӡаахра азгәарҭоит ажьырныҳәа 19 рзы.
