14:28 24 Хәажәкыра 2019
Ишиашоу ицо аефир
  • USD63.77
  • EUR72.59
Нури Кварчия
© Sputnik / Томас Тхайцук

Кәарҷиа аицлабра "Аӡыхь" иазкны: алахәылацәа рхыԥхьаӡара еизҳаит

Арадио
Икьаҿу ахьарԥш аиура
5 0 0

Жәлар рҟазара ацентр аиҳабы Нури Кәарҷиа арадио Sputnik аефир аҟны ахәыҷтәы-қәыԥштә хореографиатә еицлабра "Аӡыхь" иалахәхо рхыԥхьаӡара сынтәа аҟара иҟамлацызт ҳәа азгәеиҭеит.

"Араионқәа зегьы рхы аладырхәеит аицлабра, иҟоуп ҩба-ԥшьба гәыԥгьы аазышьҭуа. Усҟантәи ашықәсақәа рзы иаҳа аԥыжәара амазҭгьы жәлар рыкәашара, сынтәа аноминациақәа еиҳахеит. Быжьшәҩык рҟынӡа ауаа алахәхоит ҩымш имҩаԥысуа аицлабра. Ԥаса ахәыҷқәа реиҳараҩык ақалақьқәа рҟынтәи иаауазҭгьы, уажәы ақыҭақәа рҿы еиҿкаау агәыԥқәа иаауа иалагеит", — иҳәеит Кәарҷиа.

Ахәыҷтәы-қәыԥштә хореографиатә еицлабра "Аӡыхь" мҩаԥысуеит Аԥсуа ҳәынҭқарратә филармониаҟны лаҵара 16-17 рзы.

Ихадоу атемақәа

  • Аӡахәа, ажь, аҩы аԥсуаа ркультураҿы

    Ажьи, аӡахәеи, аҩи аԥсуаа ркультураҿы иааныркыло аҭыԥ атәы дазааҭгылоит Sputnik аколумнист Сусанна Ҭаниаԥҳа.

    31
  • Асахьаҭыхҩы Леиуарса Быҭәба иусумҭа Мифы и Легенды Абхазии

    Заџьал ааигәоу ауаҩы иара ишизымдыруагьы, ихымҩаԥгашьа, иҟазшьа аҽаԥсахуеит ҳәа ирԥхьаӡоит аԥсуаа. Абжьааԥны ирбахьаз иакәӡамкәа, зҽызыԥсахыз изы "иаџьал ааима?!", "иаџьал иҟәаҟәа иқәтәоума?!", "Акы шиԥеиԥшу идыруашәа!" рҳәон. Аԥсуаҭҵааратә институт аетнологиеи антропологиеи рыҟәша аҭҵаарадырратә усзуҩ, ААУ адоцент Марина Барцыцԥҳа дазааҭгылоит аԥсуаа ртрадициатә дунеидкылашьаҿы аџьал ишазыҟоу.

    67
  • Тото Аџьапуа

    Аԥсны Жәлар рартист, "Ахьӡ-Аԥша" аорден III аҩаӡареи Леон иордени занашьоу, Д.И. Гәлиа ихьӡ зху Аҳәынҭқарратә премиа алауреат, СССР Акомпозиторцәа реидгыла алахәыла Тото Аџьапуа 80 шықәса ихыҵит. Аҟазараҿы раԥхьатәи ишьаҿақәа игәаларшәо, иара дрыхцәажәеит аԥсуа ашәа агәыбылра изыркыз аҭагылазаашьеи ауааи, насгьы иҳәеит ҳаамҭазтәи аԥсуа ашәақәа рҵыхәала игәы иаанаго.

    55