"Ҳазлацәажәаша ҳамоуп": Ҭаркьыл ашколхәыҷқәа рыспартакиада иазкны
Ашколхәыҷқәа а-14-тәи рреспубликатә спартакиада ашәахьаҽны иаатит.
"Аспартакиада шьақәгылоуп 14 спорт хкы реилазаарала. 24 мшы имҩаԥысуа аицлабрақәа ирылахәуп зыкьҩык инареиҳаны аспортсменцәа қәыԥшцәа. Сынтәа иалаҳгалеит ҵыԥх ԥышәарак аҳасабала имҩаԥаагаз ахыци ахәымпали рзы аицлабра. Раионцыԥхьаӡа хәҩы-хәҩы ахәыҷқәа рылоуп ҳшалаго. Нас ҳаԥхьаҟа аҵара аҟәшақәа рбиуџьет аҟны иадырбарц аҳәара ҟаҳҵоит. Ахыци ахәымпали аԥсуаа инакәызаалак бзиа ирбон, ҳгерб аҟынгьы иарбоуп. Уи аспорт хкы аҟны аӡбаҩ хадас дыҟоуп Баҭал Џьапуа. Аҵара аминистр Адгәыр Какобеи иареи азыҟаҵарақәа мҩаԥыргоит", — иҳәеит Ҭаркьыл.
