07:04 22 Жьҭаара 2018
Ишиашоу ицо аефир
  • USD65.81
  • EUR75.32

Чалмаз Афонҿыцтәи аҳаԥы азы: аԥсабара иҳанаҭаз баҟоуп

Арадио
Икьаҿу ахьарԥш аиура
1910

Афонҿыцтәи аҳаԥы ԥхьаҟатәи абиԥарақәагьы ишахәҭоу ирзынхарц ҳацклаԥшуеит ҳәа азгәеиҭеит Sputnik аефир аҟны аҳаԥы аиҳабы Мирон Чалмаз.

"Иахьа 43 шықәса ҵит ари адгьыл аҵаҟа иҟоу аҳҭынра ауаа рҭааразы иаартуижьҭеи. Афонҿыцтәи аҳаԥы раԥхьаӡа акәны 1961 шықәсазы иааиртит Аԥсны зыхьӡ еицырдыруа асахьаҭыхҩы, аскульптор Гиви Смыр.

Ари аҳаԥы аԥсабара иаҳзыннажьыз баҟоуп. Ажәлар избар ӡҭаху рацәахоит. Аамҭақәа еснагь еиԥшым, иахьа  имаҷзар ҟалоит, уаҵәы урҭ рхыԥхьаӡара иацлар ауеит. Ари аҳаԥы аҳәынҭқарразы, абиуџьет  аԥара алагаларазы имаҷым иалшо.

 Уаҵәы иҳаҵагыло аҿар ишахәҭоу иԥхасҭамтәкәа ирзаанҳажьырц азы  аус адаҳулоит,  ҳахылаԥшуеит. Ҳаспециалистцәа аекологцәа рнаҩс иҟоуп Москва еицырдыруа ауниверситетқәа аинститутқәа рҟны аиқәшаҳаҭра ахьҳабжьоу.   Иаҳзаауеит иахәҭоу  амаругақәа рыманы, аҳаԥы иахылаԥшуеит. Хымш раԥхьа иааны ицеит, аҳаԥы аҭагылазаашьа шәзыцәшәә акгьы ыҟам ҳәа ҳарҳәеит.  Иҟалап,  Афон иҵегьы аҳаԥқәа ыҟазар, Гиви Смыр ԥсаҭабзиа идыруан урҭ, ицәыргаӡам дара.  Иҟалап, усҟак иаҭахымзаргьы.  Иахьабалак ауаҩы днаҳашьҭыр, аԥсабара ҳаԥырхагахар,  ииашамзар ҟалап", — иҳәеит Чалмаз.

Ихадоу атемақәа