"Коӷониаԥҳа лымҩаду": Хагәышь аԥсуа бызшәа азакәан иазкны
"Азакәан адкыларала ҳзықәныҟәаша аԥхьатәи ашьаҿа ҟарҵеит. Аха уи аус ауырц азы изықәныҟәатәыз апрограмма ҟаҵатәын. Уи амамзаара иахҟьаны иахьа уажәраанӡа аус ауӡом. Апрограмма 1997 шықәсазы Арӡынба ихаан идикылеит, аԥсуа бызшәа арҿиара иазкны афондгьы аԥиҵеит. Уи хықәкы хадас иамаз ахәыҷқәа абызшәа дырҵара ацхыраара аҭара акәын. Иахьа аусеилыргара аԥсшәахь аиагаразы ажәарқәа рацәаны рыҟаҵара ҳаҿуп. Абарҭ ажәарқәа аусбарҭақәа рҟны аус рурц азоуп изыҟаҳҵо. Уи иазкуп раԥхьатәи сықәҵара. Џьоукы аусура ҳамхроуп изызку рҳәеит, уи акәым, ауаҩы иидыруа аилкаара азоуп ақәҵара зысышьҭыз", — иҳәеит Хагәышь.
