"Хҩык, хәҩык рҟынӡа аҵаҩцәа идурҵозар уи уадаҩра амаӡам, иреиҳамзароуп. Насгьы бзиарас иҟоу аурок аҟны ҳаицәажәара ҭаҩҩны, уи ашьҭахь ишьҭрақәланы иазыӡырҩыртә алшара рымоуп. Иаԥсыуаны зхатәы бызшәа зымҵаз рзы, ари лшароуп. Жәаа урок рыла ихдмыркәшозар рҵара, иацырҵарц агәаҳәара роуазар, даҽа темақәак рыла ишьақәыргыланы иацаҳҵар ҟалоит. Сара ҳәашьа сымаӡам жәаа урок рыла дцәажәеит, уажәшьҭа уаҳа акгьы иҭахым ҳәа. Еснагь иҿыцу ак ҳҵоит, уи зҳәо ажәлар урылазароуп, ухы иауырхәозароуп. Уажәы иаҳку ашәҟәы уи ала инҵәоит. Абызшәа дырҵараан ашәҟәы ишаҳәо мацара акәымкәа аҵаҩцәагьы рҭахрақәа срызхәыцуеит еснагь, урокцыԥхьаӡа иҿыцуп. Абызшәа арҵара акурсқәа рхыркәшамҭаз иҟаҵахоит аихшьаалақәа, ԥышәарак иахыжьхоит, аршаҳаҭгақәа рыҭахоит", — лҳәеит Шамԥҳа.
Аиҿцәажәара инарҭбаан шәазыӡырҩыр ҟалоит арадио Sputnik Аԥсны ишиашоу ицо аефир аҟны, асааҭ 18:00 рзы.
