"Аоркестр еиҿкааижьҭеи уамак ҵуам (шықәсык иназынаԥшуеит аред.). Агастрольқәа ахьымҩаԥаагахьоу маҷуп, уажәы ақыҭақәа рҟны ақәгыларақәа азгәаҳҭоит. Сара Хәаԥ ақыҭаҟны ауп аусура сахьалагаз. Аҟазара злоу ахәыҷқәа рацәоуп, уи аадырпшырц азы амузыкатә рҳәаагақәа рҟны ахәмаршьа рҵароуп, идырбатәуп. Убри аҟынтә иазгәаҳҭоит ақәгыларақәа ақыҭақәа рҿы. Ииашоуп, зегьы рҟны ҳӡықәгылаӡом, избанзар асцена, алашара уҳэа ыҟазароуп. Убри аҟынтэ иахьауа ҳаицәажәаны ҳақәгылоит. Ҳапрограмма аҟны иҟоуп жәлар рашәақәа, ҳкомпозиторцәеи нхыҵтәи акомпозиторцәеи раԥҵамҭақәа. Ҳара зегь реиҳа азҿлымҳара заҳҭо жэлар рашэақәа роуп. Аԥхьаҟа апрограмма иаҳа аҽарҭбаап. Уи иазыӡырҩуа азҿлымҳара арҭарц иалаҳгалоит еицаҳдыруа ашэақәа. Урҭ жәлар ринструменқәа рыла ианаурҳәо даҽакала абжьы рымоуп, даҽа гьамак аархәоит, ибзиангьы ирыдыркылоит",- иҳәеит Арухаа.
Аиҿцәажәара инарҭбаан шәазыӡырҩыр ҟалоит арадио Sputnik Аԥсны ишиашоу ицо аефир аҟны, асааҭ 18:00 рзы.
