"Закә ҭаацәа хазыноузеи, имоуп, ишәуп-ихӡуп, изымхазеи ахәыҷы абас дҟалартә еиԥш ҳәа лассы-лассы ҳхы ҳазҵаауеит. Иҟалаз убри ауп, аекономикеи ааӡареи зцәеилагаз аҭаацәа рацәахеит. Сара насыԥ сымоуп ахәыҷқәа рааӡараҿы исыцхраауа ахьсымоу. Ашкол аҟнытә ианааилак ирԥылоз аԥҳәыс дыҟан. Аԥхын ианоурышьҭлакгьы, ақыҭарахь исышьҭуеит. Сҩызцәа ансазҵаалак ирбои уа ҳәа, ак ахьырбо ауп иахьысышьҭыз ҳәа нараҭаскуеит. Аҩны иҟазҭгьы, аҭел шыркыз рнапқәа иӡаӷьахаӡаарын", — ҳәа азгәалҭеит Кәыҵниаԥҳа.
Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.
