14:21 24 Хәажәкыра 2019
Ишиашоу ицо аефир
  • USD63.77
  • EUR72.59
Асҭамыр Кәыҵниа
© Sputnik

Кәыҵниа: аԥсуа мультфильмқәа рыда ахәыҷқәа рбызшәа агьама дыркра уадаҩуп

Арадио
Икьаҿу ахьарԥш аиура
63 0 0

Асахьаҭыхыҩ, аниматор Асҭамыр Кәыҵниа арадио Sputnik аҟны иазгәеиҭеит аԥсуа мультфильмқәа акыр иаҭахны ишыҟоу иахьа ахәыҷқәа рбызшәа агәыбылра дыркразы.

"Аԥсуа арҵагатә мультфильмқәа аҭахны иҟоуп. Аԥсуа бызшәа арҿиаразы аҳәынҭқарратә еилакы аҟны ирыдызгалахьеит апроектқәа ҩба. Урҭ руак — аԥсуа анимациатә студиа аартраҟны ацхыраара сырҭарц, аҩбатәи — арҵагатә мультфильмқәа рыҟаҵара. Ааԥхьара сырҭеит амультфильм сериалк аҳасабала аҟаҵаразы. Жәа-сериак рҭахын, еиҳангьы иҟалон, аха иақәнагаз ахарџь ыҟамызт, хә-сериак наҳагӡеит, аџьабаагьы рацәаны иадаҳбалеит", - иҳәеит Кәыҵниа.

Иара иазгәеиҭеит иахьа аԥсуа мультипликациа ыҟамкәа ахәыҷқәа рхатәы бызшәа агьама дыркра шыуадаҩу. Уи азы ишхымԥадатәиу астудиа аиҿкаара.

Аицәажәара иаҳа инарҭбааны арадио Sputnik Аԥсны аефир аҟны ишәаҳар шәылшоит.

Ихадоу атемақәа

  • Аӡахәа, ажь, аҩы аԥсуаа ркультураҿы

    Ажьи, аӡахәеи, аҩи аԥсуаа ркультураҿы иааныркыло аҭыԥ атәы дазааҭгылоит Sputnik аколумнист Сусанна Ҭаниаԥҳа.

    27
  • Асахьаҭыхҩы Леиуарса Быҭәба иусумҭа Мифы и Легенды Абхазии

    Заџьал ааигәоу ауаҩы иара ишизымдыруагьы, ихымҩаԥгашьа, иҟазшьа аҽаԥсахуеит ҳәа ирԥхьаӡоит аԥсуаа. Абжьааԥны ирбахьаз иакәӡамкәа, зҽызыԥсахыз изы "иаџьал ааима?!", "иаџьал иҟәаҟәа иқәтәоума?!", "Акы шиԥеиԥшу идыруашәа!" рҳәон. Аԥсуаҭҵааратә институт аетнологиеи антропологиеи рыҟәша аҭҵаарадырратә усзуҩ, ААУ адоцент Марина Барцыцԥҳа дазааҭгылоит аԥсуаа ртрадициатә дунеидкылашьаҿы аџьал ишазыҟоу.

    67
  • Тото Аџьапуа

    Аԥсны Жәлар рартист, "Ахьӡ-Аԥша" аорден III аҩаӡареи Леон иордени занашьоу, Д.И. Гәлиа ихьӡ зху Аҳәынҭқарратә премиа алауреат, СССР Акомпозиторцәа реидгыла алахәыла Тото Аџьапуа 80 шықәса ихыҵит. Аҟазараҿы раԥхьатәи ишьаҿақәа игәаларшәо, иара дрыхцәажәеит аԥсуа ашәа агәыбылра изыркыз аҭагылазаашьеи ауааи, насгьы иҳәеит ҳаамҭазтәи аԥсуа ашәақәа рҵыхәала игәы иаанаго.

    55