13:40 24 Хәажәкыра 2019
Ишиашоу ицо аефир
  • USD63.77
  • EUR72.59
Арда Ашуба
© Sputnik / Томас Тхайцук

Ашәба: аԥсуаа ақьырсиан динхаҵара иаҵанакуаз аԥҟарақәа еснагь ирықәныҟәон

Арадио
Икьаҿу ахьарԥш аиура
45 0 0

Қьырса ныҳәа аҽны иаҭахума аишәа аргылара, насгьы уи ҵакыс иамаз атәы арадио Sputnik Аԥсны аефир аҿы еиҭеиҳәеит аетнолог Арда Ашәба.

"Аԥсуаа еснагь аимак рыман Амшаԥы, Қьырса рыҽны аҿацәа ажәытәцәа рзы аишәа аргыларазы. Аԥсуаа ҳҿы аԥсы еснагь пату иқәын, абри мышкы зны дгылоит ҳәа ражәа иалан. Ус анакәха, аԥсцәа бзахоит ҳәа инарҵауланы ихәыцуан, ақьырсианра иаҵанакуа аԥҟарақәа ирықәныҟон. Уи макьана ишьақәыргылан иҳамаӡам аҩырақәа рҿы, аха ҿырҳәала еимырдоз аҿы иубоит уи инарҵауланы ишырдыруаз, уи ишықәныҟоз. Аишәа андыргыло, ианхырҭәало "ӡи-мцеи зысын иузыҳалалхааит" рҳәоит, уи иаанаго аӡи амцеи зхьымсыз акгьы аишәа иузықәҵаӡом ҳәа. Аԥсуаа қьырсианын, адин иаҵанакуаз атрадициақәа ныҟәыргон", — ҳәа азгәеиҭеит Ашәба.

Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.

Ихадоу атемақәа

  • Аӡахәа, ажь, аҩы аԥсуаа ркультураҿы

    Ажьи, аӡахәеи, аҩи аԥсуаа ркультураҿы иааныркыло аҭыԥ атәы дазааҭгылоит Sputnik аколумнист Сусанна Ҭаниаԥҳа.

    22
  • Асахьаҭыхҩы Леиуарса Быҭәба иусумҭа Мифы и Легенды Абхазии

    Заџьал ааигәоу ауаҩы иара ишизымдыруагьы, ихымҩаԥгашьа, иҟазшьа аҽаԥсахуеит ҳәа ирԥхьаӡоит аԥсуаа. Абжьааԥны ирбахьаз иакәӡамкәа, зҽызыԥсахыз изы "иаџьал ааима?!", "иаџьал иҟәаҟәа иқәтәоума?!", "Акы шиԥеиԥшу идыруашәа!" рҳәон. Аԥсуаҭҵааратә институт аетнологиеи антропологиеи рыҟәша аҭҵаарадырратә усзуҩ, ААУ адоцент Марина Барцыцԥҳа дазааҭгылоит аԥсуаа ртрадициатә дунеидкылашьаҿы аџьал ишазыҟоу.

    64
  • Тото Аџьапуа

    Аԥсны Жәлар рартист, "Ахьӡ-Аԥша" аорден III аҩаӡареи Леон иордени занашьоу, Д.И. Гәлиа ихьӡ зху Аҳәынҭқарратә премиа алауреат, СССР Акомпозиторцәа реидгыла алахәыла Тото Аџьапуа 80 шықәса ихыҵит. Аҟазараҿы раԥхьатәи ишьаҿақәа игәаларшәо, иара дрыхцәажәеит аԥсуа ашәа агәыбылра изыркыз аҭагылазаашьеи ауааи, насгьы иҳәеит ҳаамҭазтәи аԥсуа ашәақәа рҵыхәала игәы иаанаго.

    55