Микрофон  - Sputnik Аҧсны
Арадио

Адлеиба: анаӡӡеи абаӡӡеи иӡаархыз рзы Анцәа иҿаԥхьа аҭакԥхықәра ду рыдуп

© Sputnik / Томас ТхайцукНикита Адлейба
Никита Адлейба - Sputnik Аҧсны
Анапаҵаҩра
Гәыма ақыҭа Анцәа иҽеиҭакра ахьӡала иргылоу ауахәама иахагылоу аиереи Никита (Адлеиба) арадио Sputnik аҟны дазааҭгылеит аиаша қьырсианхаҵара ныҟәызго аӡы рӡаахра анымҩаԥгатәу, иара убас анаӡӡеи абаӡӡеи рҭакԥхықәра атәы.
"Ҳазлацәажәаша ҳамоуп": Адлеиба анаӡӡеи абаӡӡеи рҭакԥхықәра атәы

"Ақьырсианттә ԥҟарақәа инарықәыршәаны ани аби рхәыҷы дӡаархуеит ҩынҩажәа мшы анихыҵлак. Усҟан аӡҟы дӡаархуеит ангьы ауахәамахь дыҩнаргалоит аныҳәаԥхьыӡқәа ирыԥхьаны. Иахьа ус рҳәалоит ани аби  "схәыҷы изҳааит, анаҩс иара ииҭаху адин идикылоит" ҳәа. Уи мҩахҟьароуп.

Ахәыҷы дӡаазхуа урҭ ан наӡа аб наӡа ҳәа иԥхьаӡоуп, ани аби рхәыҷы знапы данырҵо ауаа роуп. Дара иӡаархыз ахәыҷқәа рааӡозароуп, ауахәамахь инаргароуп, аиаша қьырсиан дин ныҟәызго уааны иҟарҵароуп. Абри ауп уалԥшьаны Ҳазшаз иҿаԥхьа ирыду. Дара рыдунеи анырԥсахлак Ҳазшаз дразҵаауеит иӡаархыз рзааӡама, ииашаны ақьырсиан дин хазҵо ракәны иҟарҵама ҳәа. Абри азы аҭакԥхықәра ду рыдуп дара", - ҳәа азгәеиҭеит аиереи Никита (Адлеиба).

Ажәабжьқәа зегьы
0