10:43 18 Нанҳәа 2019
Ишиашоу ицо аефир
  • USD66.00
  • EUR73.22
Нонна Ломия
© Sputnik / Томас Тхайцук

Ломиаԥҳа: ачымазарақәа ирыхҟьаны ашкол аҟны аҵаҩцәа рхыԥхьаӡара ҭышәынтәалам

Арадио
Икьаҿу ахьарԥш аиура
88 0 0

Аҟәатәи аԥшьбатәи абжьаратә школ адиректор Нонна Ломиаԥҳа арадио Sputnik аҟны еиҭалҳәеит аӡын аамҭазы ачымазарақәа ирыхҟьаны ашкол ахь имныҟәо аҵаҩцәа рхыԥхьаӡара зеиԥшроу атәы.

"Аҭагылазаашьа хәыҷык ианеиӷьхо ыҟоуп, анаҩс адырҩаҽны еиҳаны ахәыҷқәа агхар ҟалоит, макьана аҭагылазаашьа ҭышәынтәалам. Аԥхьа ичмазаҩхаз бзиаханы иаауа ыҟоуп ахәыҷкәа, аха урҭ рҭыԥан ҿыц ичмазацәахазгьы ыҟоуп. Классқәак рҟны иҟоуп 50 процент рҟынӡа аҵаҩцәа ахьыҟоу, еиҳаны иахьтәоу ыҟоуп. Ажәабатәи акласс аҟны акәзар иахьа ҩыџьа ахьтәазгьы ыҟан, аха аҩныҟа шәца ҳәа раҳамҳәаӡеит аурокқәа шцац ицоит. Амала аурок ҿыц ҳазрыҭаӡом ус ианыҟоу, ҳазхысыз иҵегь ишьақәҳарӷәӷәеит. Аиҵбыратәи аклассқәа рҿы акәзар, иҟоуп аҭаацәа ашкол аҿы иааины адҵақәа зго, ахәыҷқәа ак рыгхар ҳәа ишәаны аҵатәқәа ртәы еилызкаауа. Иҟоуп ԥшьҩы-хәҩы рҟынӡа ичмазаҩхаз арҵаҩцәагьы. Жәаҳәарада, уи аҵаратә процесс иаԥырхагоуп, аха зегьы рзы иҟалаз ауп. Ԥсыхәа ахьынӡамоу ҳҽахьаҳагӡап ҳәа уи аҩыза агәаанагара сымоуп. Аҵаратә процесс иагхаз хаҳарҭәаауеит ҳәа аҵара аминистрра аӡбамҭа ҟанаҵар, уи иаҿагыло аҭаацәа, мамзар арҵаҩцәа ҟалап ҳәа сгәы иаанагом", - ҳәа азгәалҭеит Ломиаԥҳа.

Ихадоу атемақәа

  • Акәашара абызшәа, иара иаҵоу ажәа жәлар рҭоурых аазырԥшуа амыругақәа иреиуоуп. Аха рхы ишԥадырхәо ҳаамҭазы ари амыруга, инанагӡома иара ихадароу ароль - амилаҭтә культуреи абызшәеи ауаа рылааӡараҿы, мамзаргьы аҽырбара акәу еиҳахаз? Абарҭ азҵаарақәа рзы лгәаанагара аалырԥшуеит Sputnik аколумнист Есма Ҭодуа.

    6
  • Аԥсуаа наџьнатә аахыс ирыман ажәаҳәара атрадициа дуқәа. Уи лымкаала рҵеицәа ирыларааӡон. Аԥсуаҭҵааратә институт аетнологиа аҟәша аҭҵаарадырратә усзуҩ Марина Барцыцԥҳа иҳадылгалоит ари аҟазара ҳажәлар рҿы знеишьас, чыдарақәас иамаз, иахьатәи аамҭазы тенденциас изну.

    33
  • Нестор Лакоба сасра дыззаауаз анхаҩ нага, зеиԥшыҟамыз ашәарыцаҩ, Бзыԥҭа аҳаблан ҳаҭыр ду зқәыз, зажәа ҟәышыз, ажәлар ззыӡырҩуаз, аха 37-тәи ашықәс еиқәаҵәақәа раан харада ахара зыдҵаны идырӡыз Маҳҭы Ислам-иԥа Бениа (Кьахьыриԥа) иҭоурых дазааҭгылеит иашьа иԥа имоҭа Беслан Бениа.

    176