14:56 25 Нанҳәа 2019
Ишиашоу ицо аефир
  • USD65.60
  • EUR72.62
Валентин Коӷониа
© Sputnik

Валентин Коӷониа: сыԥсҭазаараҿы Иуа Коӷониа идоуҳа иаӡбаз рацәоуп

Арадио
Икьаҿу ахьарԥш аиура
83 0 0

Апоет-алирик, арҵаҩы, акритик, афилологиатә ҭҵаарадыррақәа рдоктор, афольклорҭҵааҩ Валентин Коӷониа ихыҵит 60 шықәса. Иара аԥсҭазаара инаҭаз аԥышәа, арҿиарахь дхьазырԥшыз, ихәыҷрашықәсқәа ихадараны изаликаауа ртәы еиҭеиҳәеит арадио Sputnik Аԥсны иаиҭаз аинтервиу аҿы.

"Сара исылшаз сылзыршаз сеиҳабацәа роуп. Аԥсуа школ-интернат санҭаз арҵаҩцәа дуқәа сыман, ауниверситет аҿгьы ауаа дуқәа рышәшьыра саҵанакит. Дара ирыбзоураны Москва аспирантурахь сцара ҟалеит, адиссертациақәа рыхьчаран рылаԥш схын, сымҩақәырҵон, зегь рыла сызхылҵыз рышьҭахь рџьабаа сыдны избоит. Ауаҩы еиуеиԥшым иқәрақәа рахьынтә иаҳа дзызхьаԥшуа, иаҳа аҭаҵәахрақәа ахьыҟоу ихәыҷраҟноуп. Ҳхәыҷра амш еихшан, аиҳарак усурала ихыркын, аусураамҭа иахаршәалан ҳахәмарра ахҷаҭ иаҳзаҩызан. Усҟан ҳазҿыз аусура аизҳара амҩахь скылнагеит ҳәа агәаанагара сымоуп. Сара сызлыиааз аҭаацәараҿы ашәҟәы акульт ҳаракын. Саб абиблиотека замана иман, ашәҟәыԥхьара пату изақәын, аԥсуаҭҵаара иаҵанакуаз ашәҟәқәа рахьтә имамыз акгьы ыҟамызт. Ҳара ҳхәышҭаара, ҳуаџьаҟ ахаҟны иқәгылан Иуа Коӷониа ишәҟәы, есыуаха ҳанеидтәалоз, ҳаиҳабацәа иажәеинраалақәа ҳадырԥхьон. Иуа идоуҳа иаӡбаз рацәазар ҟалап сыԥсҭазаараҿы ҳәа агәаанагара сымоуп", - азгәеиҭоит Коӷониа.          

Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.   

Ихадоу атемақәа