"Аспектакль уаназхәыцуаз хымԥада, аматериал хшыҩла-гәыла уазнеироуп, уадҵаалароуп, ари амшынҵа иану амацара аҟны узаангылаӡом. Таиф имшынҵаҿы Еҭери Коӷониаԥҳа диқәшәеит, аха уаҟа уи ахҭыс имаҷны иаарԥшуп, сара режиссиорк иаҳасабала иаҳа хараны сцеит лхаҿсахьа аарԥшраҿы. Аблокада ианҭаку ауаа рхымҩаԥгашьа, ауаа реизыҟазаашьа - ари ичыдоу ҭагылазаашьоуп, убри изласылшоз ала, ауаа срацәажәо, аматериалқәа срыԥхьо, сара сверсиа аԥхьаҩ ибаратәы ихәыцуп. Актиорцәеи сареи ԥынгылак ҳамам уи аганахьала, дыҟам аԥсыуак аибашьра иазымхәыцуа, убри аҟнытә аҽазыҟаҵарақәа маншәалан имҩасуеит. Таиф Аџьба сара сыҩныҵҟатәи адунеи аҿы иааникылоит иалкаау аҭыԥ, ипоезиа иснарҵо рацәоуп", - ҳәа азгәалҭеит Аргәынԥҳа.
Таиф Аџьба диижьҭеи 80-шықәса аҵразы Аԥсуа ҳәынҭқарратә драматә театр имшынҵала иқәнаргылоит аспектакль. Уи аԥхьарбара азгәаҭоуп апоет иира амш аҽны, хәажәкыра 11 рзы.
Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.
