17:42 21 Ԥхынгәы 2019
Ишиашоу ицо аефир
  • USD62.87
  • EUR70.79
Светлана Корсая
© Sputnik

Кәарсаиаԥҳа Анна Аргәын-Коношок лзы: лыхәмаррала аԥсуа сцена лырлашон

Арадио
Икьаҿу ахьарԥш аиура
49 0 0

Хәажәкыра 8 рзы Самсон Ҷанба ихьӡ зху аԥсуа драматә театр актриса Анна Аргәын-Коношок диижьҭеи 105 шықәса ҵуеит. Актриса лҟазареи лҭеиҭыԥши аӡәырҩы хнаххьан ҳәа азгәалҭеит аҟазараҭҵааҩы Светлана Кәарсиаԥҳа арадио Sputnik Аԥсны аефир аҿы Анна Аргәын-Коношок дылгәаларшәауа.

"Арҿиаҩцәа санрызхәыцуа дара зегьы ԥшәык иадысҳәалоит. Анна Аргәын ашьацԥшшәы деиԥшнысшьалон. Аԥсҭазаара аҿыхара, ааԥын ааира лхаҿсахьа адыскылоит. Дарбанзаалакгьы Анна лҟазара маҷк иадымхаргьы изхьымсыз, иамырԥхаз, ҩныҵҟала иамырлашаз дмаҷуп. Лара аԥсҭазаара илнаҭаз аԥшшәыла илырлашон аԥсуа сцена. Лылашара, лыиаҵәара, лыԥшӡара, лылақәа рыиаҵәара асценаҟныгьы иуҿаҷҷон.  Анна Васили Домогаров истудиа иалгаз дыруаӡәкуп. Лара лцәажәараҿы инаҵшьны иазгәалҭон нцәак иаҳасабала дшылԥхьаӡоз, иаҳзеиҭалҳәон раԥхьатәи асценахь лцәырҵра илзацыз агәыхыҭхыҭра атәы. Анна иналыгӡоз арольқәа рҿы деиԥшӡамызт, зехьынџьара дхазын, лара ԥсабарала илымаз аԥшӡара убомызт, зынӡаск даҽа ҟазшьақәак цәырылгон", - ҳәа азгәалҭеит Кәарсаиаԥҳа.

Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.

Атема иазкны инарҭбаау ажәабжь шәаԥхьар шәылшоит абра>>

Ихадоу атемақәа