10:30 24 Хәажәкыра 2019
Ишиашоу ицо аефир
  • USD63.77
  • EUR72.59
Sputnik Аԥсны акорреспондент Сариа Кәарацхьиаԥҳа
© Sputnik / Томас Тхайцук

Кәарцхьиаԥҳа еиҭалҳәеит ашәарыцаҩцәа ирзымшьыз аԥсаатә аԥсы шеиқәхаз атәы

Арадио
Икьаҿу ахьарԥш аиура
1720

Sputnik Аԥсны акорреспондент Сариа Кәарацхьиаԥҳа арадио аефир аҿы еиҭалҳәеит илзымдыруаз, раԥхьаӡа акәны илбахьаз аԥсаатә аԥсы шеиқәлырхаз.

"Сҭаацәа ԥсрак аҟнытә ишаауаз, рымҩа еихнаҵәеит ҵыск, иара амашьына иаҵаҳартә еиԥш ԥсык ауп иагыз, ишәаны абнара илалеит. Саб ицыз арԥыси иареи аԥсаатә рыцҳашьаны амаӷра иларгеит. Амала ирбац ԥсаатәк еиԥшымызт, акәата қьышә аман, аха иагькәатамызт. Иара ахы ахьчоит ҳәа иаҿын, ицҳауан, абна ианыларга ашьҭахь игәарҭеит азшьапык шхәыз. Ашәарыцаҩцәа еихсит, аха ирзымшьит ҳәа ргәы иаанагеит.  Аҵыс рхәышәтәырцаз аҩныҟа иааргеит, ашьапы иахәҭаз ахәшәқәа аҿаҭәаны аҩнатә ԥсаатәқәа ирылаҳартәеит. Иаргьы акыршықәса ҳаҩнаҭаҿы инхозшәа, аԥшәмара аанкыланы инеины афазанқәа рыҭраҟны итәеит. Сара адырра исҭеит Аԥсны аекологиатә институт аиҳабы Роман Дбар, иара изынасышьҭыз афотосахьақәа, урҭ рыла еиликааит аԥсаатә "поганка" ҳәа изышьҭоу шаку. Иара амшын иху ԥсаатәуп, изыԥыруам, аԥсыӡ фатәыс иамоуп ҳәа ҳзеиҭеиҳәеит. Адырҩаҽны еиқәҳархаз аԥсаатә аџьырмыкьаҿы аԥсыӡ азаахәан акраҿаҳҵеит, анаҩс амшын ихаҳҵеит", - ҳәа еиҭалҳәеит Кәарацхьиаԥҳа.      

Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Ихадоу атемақәа

  • Тото Аџьапуа

    Аԥсны Жәлар рартист, "Ахьӡ-Аԥша" аорден III аҩаӡареи Леон иордени занашьоу, Д.И. Гәлиа ихьӡ зху Аҳәынҭқарратә премиа алауреат, СССР Акомпозиторцәа реидгыла алахәыла Тото Аџьапуа 80 шықәса ихыҵит. Аҟазараҿы раԥхьатәи ишьаҿақәа игәаларшәо, иара дрыхцәажәеит аԥсуа ашәа агәыбылра изыркыз аҭагылазаашьеи ауааи, насгьы иҳәеит ҳаамҭазтәи аԥсуа ашәақәа рҵыхәала игәы иаанаго.

    53
  • Еркәыт Аӡынба

    Ҭырқәтәылантәи шықәсқәак раԥхьа зҭоурыхтә ԥсадгьыл ахь нхара ҳәа иааз Еркәыт Аӡынба игәҭахәыцрақәа.

    153
  • Анна Сангулия

    "Ашацәа изыршаз ала дымҩасит", "изыԥҵәоу аамҭа", "игәахәтәы дахьымӡеит" - абас рҳәоит аԥсуаа ауаҩы илахьынҵазы. Аԥсуаҭҵааратә институт аетнологиеи антропологиеи рыҟәша аҭҵаарадырратә усзуҩ, ААУ адоцент Марина Барцыцԥҳа дазааҭгылоит аԥсуаа ртрадициатә дунеидкылашьаҿы ауахҭа ишазыҟоу.

    65