21:16 18 Мшаԥы 2019
Ишиашоу ицо аефир
  • USD64.07
  • EUR72.24
Хаири Кутарба
© Sputnik / Томас Тхайцук

Ҳаири Қәҭарба: аԥсадгьыл аҟны анхара даҽа гьамак аҵоуп

Арадио
Икьаҿу ахьарԥш аиура
36 0 0

Иахьа 60 шықәса ихыҵит ауаажәларратә усзуҩ, ашәҟәыҩҩы, аиҭагаҩ Ҳаири Қәҭарба. Аиубилиар иира амш аҽны арадио Sputnik иаиҭаз аинтервиу аҟны еиҭеиҳәеит аира амш дшазыҟоу, Аԥсныҟа нхара дзааз атәы.

"Сиира амш сгәаласыршәаӡом, са сзы уи егьырҭ амшқәа иреиԥшуп. 60-тәи сиира амш, аиубилеи ахьшәгәалашәаз иџьасшьоит аиашазы. Сара сзы сусқәа анманшәалоу, бзиа избо ауаа санрыцу убасҟан есымша аиира иамшуп ҳәа сазхәыцуеит", -  ихәеит Қәҭарба.

Иара иазгәеиҭеит ихәыҷра аахыс зегьы иреиҳау ӷәҭыханы ишимаз иԥсадгьыл аҟны анхара. Уи анагӡара илиршеит.

"Ҭырқәтәыла ҳанхәыҷыз џьабаақәак ҳбазаргьы, аҵара ду сҵеит, сусқәа, сынхарагьы бзиан, аха аԥсҭазаара уи мацара акәӡам. Ҳаԥсадгьыл ахақәиҭразы, ҳԥеиԥш азы шаҟаҩы аҵеицәа ҭахаз, урҭ убасҟак ргәаӷьызар, сара  Сҭампыл ибзианы анхара, аԥара арҳара еиӷьашьаны уа саанхар ииашаӡамызт ҳәа сазхәыцуеит. Ара аџьабаақәа збоит, аԥарагьы сырҳаӡом, аарлагьы схы ныҟәазгоит, аха иаҳа сгәы ҭынчуп. Ара сара истәу тәылоуп, џьара ҵәымыӷкгьы аасырхуазар, убри здыруеит Аԥсны азы, аԥсуаа рзы ишыҟасҵо. Уи даҽа гьамак амоуп, атәым жәҩан аҵаҟа инымхац уиаҟара рзымдырыр  ҟалоит, аха сара сзы аҵак дууп", - ҳәа азгәеиҭеит Қәҭарба.

Убри аан Ҳаири игыу ҳәа ииԥхьазо атәы алыикааит.

"Аԥсуа жәлар 70% Ҭырқәтәыла иҟоуп. Ирацәаҩуп урҭ рахьынтә издыруа, сыԥсҭазаара аиҳарак аԥсуа дернеқьқәа, аизарақәа, аԥсрақәа, ачарақәа рҟны ииасит. Убарҭ ҳауаажәлар гәхьаазгоит, исыгны исыԥхьаӡо ҳәа акызаҵәык иҟоу дара роуп. Урҭгьы арахь иаҳзаагандаз, ҳаицынхо ҳҟаландаз", - иҳәеит Қәҭарба.

Шәазыӡырҩла арадио Sputnik Аԥсны аефир.

Ихадоу атемақәа