22:13 18 Мшаԥы 2019
Ишиашоу ицо аефир
  • USD64.07
  • EUR72.24
© Sputnik / Томас Тхайцук

Џьынџьалԥҳа "Мҽхакыҭбаалатәи адиктант" азы: сыхшыҩ аус асыруит

Арадио
Икьаҿу ахьарԥш аиура
12 0 0

Агәыҳалалратә фонд "Ашана" аиҳабы Мактина Џьынџьалԥҳа арадио Sputnik аҟны еиҭалҳәеит "Мхакыҭбаалатәи адиктант" аҩра лхы залалырхәыз.

"Адиктант аҩра схы аласырхәит схы ԥысшәарц. Иара акциа шымҩаԥысуаз сҩыза исалҳәеит. Ас еиԥш ауснагӡатәқәа рҟны ухы ԥыушәарц алшара уоуеит. Акрааҵуеит адиктант смыҩижьҭеи, аҵыхәтәаны ус еиԥш алшара сыман ауниверситет аҟны. Ас еиԥш ауснагӡатә исгәаԥханы схы аласырхәит, шьыжьнаҵы ҳахшыҩ аус аҳаруит, ҳхы ԥаҳшәит, алҵшәақәа сырзыԥшуп. Адиктант аҩра зхы алазырхәыз адуцәа маҷын, аха урҭ рхыԥхьаӡара есышықәса иацлалап ҳәа сгәы иаанагоит", - лҳәеит Џьынџьалԥҳа.

Есышықәсатәи ауснагӡатә "Мҽхакыҭбаалатәи адиктант" Аԥсны имҩаԥысуеижьҭеи сынтәа хәышықәса ҵуеит. Аҟәа уи рхы аладырхәит 84-ҩык. Адиктант убасгьы ирыҩуан Гагра, Гәдоуҭа, Очамчыра.

Шәазыӡырҩла арадио Sputnik Аԥсны аефир.

Ихадоу атемақәа