09:55 18 Нанҳәа 2019
Ишиашоу ицо аефир
  • USD66.00
  • EUR73.22
Наала Хьециаԥҳа
© Sputnik / Томас Тхайцук

Хьециаԥҳа: ҳхәыҷқәа ҳбызшәа аныдҳмырҵа, анарха шамоуа еилаҳкаароуп

Арадио
Икьаҿу ахьарԥш аиура
97 0 0

Мшаԥымза 11-12 рзы Ҟарачы-Черкесиа ақалақь Карачаевск имҩаԥган есышықәсатәи аҭҵаарадырра-практикатә конференциа "Клычевтәи аԥхьарақәа - 2019". Аконференциа азырхоуп ареспубликаҿы иқәынхо ажәларқәа рбызшәа апроблематика. Иара иалахәын Аԥснынтәи аҵарауаа. Убарҭ дыруаӡәкуп Аԥсуаҭҵааратә институт абызшәа аҟәша аҭҵаарадырратә усзуҩ еиҵбы, ААУ англыз бызшәа арҵаҩы Наала Хьециаԥҳа.

"Ҟарачы-Черкесиа сцан санаа аахыс, сара сзызхәыцуа, ҳҭагылазаашьа ахьынӡа еиӷьу ауп, дара рҭагылазаашьа аасҭа. Уа иқәынхо ажәлар "зыӷба уҭоу иашәа ҳәа" ззырҳәо иҭагылоуп. Ҳара ихьыԥшым ҳәынҭқарроуп, ҳзакәанқәа ҳхала иаԥаҳҵоит. Ҳхарџьқәа зны-зынла иахьақәнагоу ианаҳмышьҭуа ыҟоуп, имӡакәа иаҳҳәап, абызшәа аҿиаразы иахьа иаҭаху ахарџьқәа ыҟам. Убри аҳәынҭқарра аҟынӡа инагатәуп, ҳбызшәа аныҟамла ҳҳәынҭқаррагьы шыҟамло. Уи адагьы, ажәлар рыхдырра рыԥсахроуп, доусы еилаҳкаароуп, ҳхәыҷқәа ҳбызшәа аныдҳмырҵа, анарха шамоуа", - лҳәеит Наала Хьециаԥҳа.

Адунеи аҿы иҟоуп иаҳа ахархәара змоу абызшәақәа, аҭаацәагьы уи иазхәыцуеит, аха еилкаатәуп, збызшәа зҭахым ажәлар даҽаӡәгьы ишиҭахымхо, азгәалҭеит Хьециаԥҳа.

Ҟарачы-Черкесиа есышықәса имҩаԥысуа "Клычевтәи аԥхьарақәа - 2019" захьӡу аконференциа иалахәын Аԥсуаҭҵааратә институти Аԥснытәи аҳәынҭқарратә университети рҟынтәи аделегациа: Ҭаниаԥҳа Ева, Ҳагԥҳа Лили, Анқәаб Ахра, Багаҭелиаԥҳа Агнесса, Хьециаԥҳа Наала, Ҭаниаԥҳа Расидац, Гыцба Инал. Дара ражәахәқәа рыҟны аԥсуа-абаза жәлар ракзаара ҩаԥхьа ишьақәзырӷәӷәо аҭҵаамҭақәа ирзааҭгылеит, рыиашьаратә еимадарақәа рырҭбаара амҩақәеи рбызшәақәа реиқәырхареи рырҿиареи азы иҟаҵатәу ауснагӡатәқәеи ирылацәажәеит.

Инеиҵыху аиҿцәажәара шәаҳар шәылшоит арадио Sputnik Аԥсны аефир аҟны.

Ихадоу атемақәа

  • Акәашара абызшәа, иара иаҵоу ажәа жәлар рҭоурых аазырԥшуа амыругақәа иреиуоуп. Аха рхы ишԥадырхәо ҳаамҭазы ари амыруга, инанагӡома иара ихадароу ароль - амилаҭтә культуреи абызшәеи ауаа рылааӡараҿы, мамзаргьы аҽырбара акәу еиҳахаз? Абарҭ азҵаарақәа рзы лгәаанагара аалырԥшуеит Sputnik аколумнист Есма Ҭодуа.

    2
  • Аԥсуаа наџьнатә аахыс ирыман ажәаҳәара атрадициа дуқәа. Уи лымкаала рҵеицәа ирыларааӡон. Аԥсуаҭҵааратә институт аетнологиа аҟәша аҭҵаарадырратә усзуҩ Марина Барцыцԥҳа иҳадылгалоит ари аҟазара ҳажәлар рҿы знеишьас, чыдарақәас иамаз, иахьатәи аамҭазы тенденциас изну.

    33
  • Нестор Лакоба сасра дыззаауаз анхаҩ нага, зеиԥшыҟамыз ашәарыцаҩ, Бзыԥҭа аҳаблан ҳаҭыр ду зқәыз, зажәа ҟәышыз, ажәлар ззыӡырҩуаз, аха 37-тәи ашықәс еиқәаҵәақәа раан харада ахара зыдҵаны идырӡыз Маҳҭы Ислам-иԥа Бениа (Кьахьыриԥа) иҭоурых дазааҭгылеит иашьа иԥа имоҭа Беслан Бениа.

    171