Микрофон  - Sputnik Аҧсны
Арадио

Ҵышәба еиҭеиҳәеит Гәдоуҭа адиспансеризациа амҩаԥысшьа атәы

© Foto / предоставлено Игорем ЦишбаЦишба Игорь
Цишба Игорь - Sputnik Аҧсны
Анапаҵаҩра
Гәдоуҭатәи араионтә хәышәтәырҭа аҳақьым хада ихаҭыԥуаҩ Игор Ҵышәба арадио Sputnik аҟны еиҭеиҳәеит араион аҟны адиспансеризациа шцо.
Ҵышәба еиҭеиҳәеит Гәдоуҭа адиспансеризациа амҩаԥысшьа атәы

"Адиспансеризациа аганахьала Урыстәылантәи иаҳҭааз аҳақьымцәа хәышықәса раԥхьагьы иҟан. Ҳауаажәлар иаауеит ҳәа анраҳа, ирацәаҩны еизеит. 4-5 мшы рыла иаҳҭаху зегьы иахьӡом, аха изларылшо ала ирыдыркылоит. Гәдоуҭа хәышәҩык рҟынӡа ахәыҷқәеи адуцәеи рыдыркылеит. Хәышықәса раԥхьа ианрыдыркылоз жәамш иаҳҭан аҳақьымцәа, усҟан иаҳа рыдыркылеит. Иахьазы ҽнак бжьаратәла 200-ҩык раҟара рыдыркылоит. Ауаа еиҳарак агәыхь, ада чымазарақәа, аҷаҷа хьаа уҳәа иаргәамҵуеит", - иҳәеит Ҵышәба.

Аԥсны араионқәа рҟны адиспансеризациа мҩаԥысуеит мшаԥы 5 инаркны рашәара 9-нӡа. Гәдоуҭеи Афон Ҿыц ақалақьқәеи рҟны лаҵара 28 инаркны рашәара 3-нӡа. Урыстәыла Афедералтә амедико-биологиатә агентра аҟазацәа Аԥсны ауааԥсыра ргәабзиара зеиԥшроу азы агәаҭарақәа мҩаԥыргоит.

Шәазыӡырҩла арадио Sputnik Аԥсны аефир.

Ажәабжьқәа зегьы
0